الماتى اكىمدىگىنىڭ جاڭا قۇرىلىمى بەكىتىلدى
قالالىق اكىمدىكتىڭ باسپا ءسوز قىزمەتى حابارلاعانداي، اكىمدىك اپپاراتىنىڭ جەتەكشىسى مەن ورىنباسارى اراسىنداعى مىندەتتەمەلەر قايتا قارالدى.
«4 باسقارما تاراتىلدى. جولاۋشىلار كولىگى باسقارماسى مەن اۆتوموبيل جولدارى باسقارماسى بىرىكتى. مادەنيەت باسقارماسى مەن تىلدەردى دامىتۋ، قۇجاتتاما جانە مۇراعات باسقارماسى ءبىر باسقارماعا بىرىكتىرىلدى. اكىمدىك اپپاراتىنىڭ شتاتى قىسقارۋىنا بايلانىستى ءار اۋداندىق اكىمدىككە 3 قىزمەتكەر قوسىمشا جىبەرىلدى. ولار يدەولوگيالىق جۇمىستى نىعايتىپ، كاسىپكەرلىكتىڭ دامۋىنا جۇمىس ىستەمەك»، - دەلىنگەن حابارلامادا.
اكىمنىڭ ورىنباسارى رۋميل تاۋفيكوۆقا جولاۋشىلار تاسىمالى مەن اۆتوموبيل جولدارى، جۇمىسپەن قامتۋ مەن الەۋمەتتىك ماسەلەلەر بەرىلدى. بۇرىن بۇل ماسەلەر ارمان قىرىقبايەۆتىڭ قاراۋىندا بولاتىن.
اسەل ءجۇنىسوۆاعا رۋميل تاۋفيكوۆتىڭ قاراۋىنداعى تۋريزم جانە سىرتقى بايلانىس ماسەلەلەرى، اكىمدىك اپپاراتىنىڭ جەتەكشىسى م. سەمبەكوۆكە تۇرعىن ءۇي ينسپەكتسياسى ماسەلەلەرى بەرىلدى.
اۆتور: گۇلميرا عوسمانالي
