پەتروپاۆلدا ەسكى شينالاردان ادامداردى جاراقاتتامايتىن قاۋىپسىز تاقتاتاس جاسالىپ جاتىر
«قازاقستاندا كولىك وتە كوپ. جىل سايىن وبلىسىمىزدا 14-18 مىڭنان باستاپ اۆتوموبيل شينالارى قالىپ وتىرادى. شينالاردى قايتا وڭدەۋ يدەياسى وسىدان تۋىندادى. بۇكىل الەمدە سولاي جاسالادى. وتكەن جىلى «دامۋ» قورى ارقىلى نەسيەگە 55 ميلليون تەڭگە الىپ، جابدىقتاردى ساتىپ الدىق. قازىرگى كەزدە ءىرى جانە ۇساق فراكسياداعى ۇگىندىنى الىپ جاتىرمىز. ودان كەيىن ونى ارى قاراي قايتا وڭدەيمىز. ول ءۇشىن ارنايى جابدىقتار ساتىپ الىپ، ادامدى جاراقاتتامايتىن قاۋىپسىز تاقتاتاستى جاسايمىز. بۇكىل الەمدە ول بالالار الاڭدارىندا كەڭىنەن قولدانىلىپ كەلەدى. جوسپاردا اكتيۆتەنگەن ۇگىندىنى شىعارۋ بار. ول اسفالت توسەمى ءۇشىن قولدانىلادى، بۇل اسفالتتىڭ ساپاسى مەن توزىمدىلىگىن جاقسارتادى»، - دەپ اقپاراتتاندىردى «Soltustik rubber recycling» ج ش س- ءنىڭ ديرەكتورى تالعاتبەك عالەيەۆ.
بيزنەسمەننىڭ ايتۋىنشا، ادامدى جاراقاتتامايتىن قاۋىپسىز تاقتاتاس - بۇل توزىمدىلىگى جاقسى زاماناۋي ماتەريال. پايدالانۋ مەرزىمى - 10-15 جىل.
سونداي- اق الداعى ۋاقىتتا سولتۇستىك قازاقستاندىق ازامات اتالعان ماتەريالدان سيىرلارعا ارنايى توسەمەلەر دە دايىنداپ شىعارۋدى جوسپارلاپ وتىر.
