كوشە سۋرەتشىلەرى باۋىرجان مومىش ۇلىنىڭ بەينەسىن سالدى

شىمكەنت. قازاقپارات - شىمكەنت كوشەلەرىنىڭ بىرىندەگى بيىك قابىرعادا قازاقتىڭ باتىر ۇلى باۋىرجان مومىش ۇلىنىڭ بەينەسى پايدا بولدى.

پاتريوتتىق رۋح بەرەتىن ستريت-ارت ستيلىندەگى دۇنيەنى جەرگىلىكتى قىلقالام شەبەرلەرى سالعان، دەپ حابارلايدى otyrar.kz.

سۋرەتشىلەر وسىمەن ءۇشىنشى جىل بۇل قابىرعاعا پاتريوتتىق رۋحتاعى سۋرەتتەردى بەينەلەپ كەلەدى. الايدا تۋىندىنىڭ اۆتورلارى وزدەرىن ناسيحاتتاۋدان باس تارتادى. ويتكەنى ولار بيلىك ايىپپۇل سالا ما دەپ قورىققان.

ال جەرگىلىكتى اكىمدىك كوشە سۋرەتشىلەرىن ءۇش جىلدان بەرى ەشكىم ىزدەمەگەنىن، ەگەر تۋىندىلارى پاتريوتتىق سيپاتتا بولسا، ەشكىم ايىپپۇل سالمايتىنىن ايتىپ وتىر.

سۋرەتتىڭ ۇزىندىعى - 12، ەنى 4 مەتردى الىپ تۇر. قابىرعاداعى باتىردىڭ سۋرەتىنىڭ جانىنا «ءورشىل رۋحتان ولمەس ەرلىك تۋادى» دەگەن رۋحتى ءسوزى دە جازىلعان. سۋرەتشىلەر وتكەن جىلى جەڭىستىڭ 70 جىلدىعىندا راقىمجان قوشقاربايەۆتىڭ رەيحستاگقا تۋ تىگىپ جاتقان ءساتىن سالعان ەكەن. ودان بۇرىن قابىرعاعا قازاقتىڭ قوس باتىر قىزىنىڭ ءبىرى ءاليا مولداعۇلوۆانىڭ سۋرەتىن بەينەلەگەن.