قازاقتىڭ كۇيلەرى شاڭحايداعى حالىقارالىق فەستيۆالدە كۇمبىرلەيدى

الماتى. قازاقپارات - قۇرمانعازى اتىنداعى قازاق ۇلتتىق كونسەرۆاتورياسىنىڭ سوليستەرى مەن «مۇراگەر» فولكلورلىق انسامبلىنىڭ ارتىستەرى قىتايدىڭ شاڭحاي قالاسىنداعى Shanghai Spring International Music Festival حالىقارالىق فەستيۆالىنە جول تارتتى.

گاسترولدىك ساپار Wu Promotion پروديۋسسەرلىك ورتالىعىنىڭ شاقىرتۋىمەن ۇيىمداستىرىلماق.

قازاقتىڭ ۇلتتىق ونەرى 2000 ادامعا ارنالعان Shanghai Oriental Art Center كونسەرتىك زالىندا 15 -مامىردا اۋەلەيدى.

باعدارلامادا قۇرمانعازىنىڭ، احمەت جۇبانوۆتىڭ، قارشىعا احمەدياروۆتىڭ، نۇرعيسا تىلەنديەۆتىڭ كۇيلەرى، قازىرگى زامانعى كومپوزيتورلاردىڭ تۋىندىلارى بار.

وركەسترگە رەسپۋبليكالىق جانە حالىقارالىق كونكۋرستاردىڭ لاۋرەاتى ابىلاي تىلەپبەرگەنوۆ ديريجەرلىك ەتەدى.

  

 اۆتور: گۇلميرا عوسمانالي