شىمكەنتتە تەرگەۋ يزولياتورىنا ءتىس جۋاتىن پاستامەن اقشا وتكىزبەك بولعان

استانا. قازاقپارات - شىمكەنت قالاسى تەرگەۋ يزولياتورىندا اقشا وتكىزۋ ارەكەتىنىڭ جولى كەسىلدى، دەپ حابارلادى و ق و قىلمىستىق- اتقارۋ جۇيەسى دەپارتامەنتىندە.

«اۋىر قىلمىس جاساعانى ءۇشىن ۇزاق مەرزىم جازاسىن وتەپ جاتقان 34 جاستاعى جازاسىن وتەۋشىنى تەكسەرۋ بارىسىندا ق ر ج قىزمەتكەرلەرى «Colgate» ءتىس پاستاسىنىڭ تۇتىگىنە نازار اۋدارادى. ءتارتىپ ساقشىسىنىڭ كۇدىگى ءدال كەلدى. ونىڭ ىشىنە جالپى سوماسى 10 مىڭ تەڭگە بولاتىن ەكى، جانە ءبىر مىڭ تەڭگەلىك اقشا سالىنعان بولىپ شىقتى»، - دەدى و ق و ق ا ج دەپارتامەنتىنىڭ وكىلى ت. راحمەت.

«تىيىم سالىنعان زاتتى وتكىزۋگە ارەكەت جاساۋ فاكتىسى بويىنشا جازاسىن وتەۋشىنى زاڭعا سايكەس قىلمىستىق جاۋاپكەرشىلىككە تارتۋ ءۇشىن ءتيىستى ماتەريالدار جينالدى»، - دەپ قوستى ول.

2016 -جىلعى 6 ايدا ءار ءتۇرلى ءتاسىلدى قولدانىپ، اقشا وتكىزبەكشى بولعانداردان ءبىر ميلليون تەڭگەگە تارتا قاراجات تاركىلەندى، دەدى كوميتەتتىڭ باسپا ءسوز قىزمەتىنەن.