ولجاس سۇلەيمەنوۆ جاس وقىرماندارمەن كەزدەستى - فوتو
جالپى، بۇگىنگى كەزدەسۋگە جاس وقىرماندار كوپ جينالعان ەكەن. ولار ولجاس سۇلەيمەنوۆتىڭ شىعارمالارىن وقىپ بىتكەن سوڭ اتاقتى جازۋشىدان باتا سۇرادى.
«گاۆريل دەرجاۆيننىڭ كەزىندە پۋشكين وقىعان ليتسەيدەگى جاعداي ەسىمە ءتۇسىپ تۇر. مەن ارينە، دەرجاۆين ەمەسپىن، ءبىراق، بالالار وسى باعىتتى تاڭداعان سوڭ، ارماندارى ورىندالار دەپ سەنەمىن. ۋاقىتتارىڭنىڭ كوبىن كىتاپحاناعا ارناڭدار، قولدارىڭنان كىتاپ تاستاماڭدار»، - دەدى جاستارعا اقىلىن ايتقان و. سۇلەيمەنوۆ.
اقىن ءومىر تۋرالى وي قوزعاي كەلە: «قازىر وتپەلى كەزەڭدە ءومىر ءسۇرىپ جاتىرمىز. مەنىڭ ءار ونجىلىم ءارتۇرلى وزگەرىستەرگە، ءارتۇرلى وتپەلى كەزەڭدەرگە تۇسپا تۇس كەلدى. ءبىراق، قايدا باردىق؟ كەلەسى كەزەڭگە كەلدىك. مىنە، ءومىردىڭ فورمۋلاسى وسى شىعار. مۇمكىن، بارار دۇرىس باعىتتى كەيدە تاپپاي قالاتىن شىعارمىز، ءبىراق، بىلەرىم، تۇتاستاي ءبىر حالىق ءومىر ءسۇرۋىن توقتاتپاۋ كەرەك»، - دەدى اقىن.
اۆتور: كەنجەكەي توقتامۇرات قىزى
