قازاقستان ارميا ويىندارىنا كورابلدەردى تەحنيكالىق دايىنداۋدى باستادى - فوتو

استانا. قازاقپارات - ارميا حالىقارالىق ويىندارىنىڭ «تەڭىز بياتلونى» بايقاۋىنا دايىندالۋ شەڭبەرىندە ق ر ق ك اسكەري-تەڭىز كۇشتەرىنىڭ كورابلدەرىندە قارۋ-جاراقتىڭ، نەگىزگى جانە قوسالقى تەتىكتەردىڭ تەحنيكالىق ازىرلىگىن ۇستاپ تۇرۋ بويىنشا جۇمىستار باستالدى، دەپ حابارلادى قورعانىس مينيسترلىگىنىڭ باسپا ءسوز قىزمەتى.

الداعى ارميا حالىقارالىق ويىندارى بايقاۋىنا قاتىسۋعا كورابل دايارلىعىنىڭ نەگىزگى ماسەلەلەرىنىڭ ءبىرى قازىرگى ۋاقىتتا ەرەكشە كوڭىل ءبولىنىپ جاتقان ونىڭ تەحنيكالىق ازىرلىگى بولىپ تابىلادى. «كاسپي تەڭىزى-2016» تەڭىز بياتلونىنا قاتىساتىن نەگىزگى كورابل بولىپ بەلگىلەنگەن «ورال» زىمىران-ارتيللەريالىق كورابلى اتاش كەنتىندە جوندەۋ جۇمىستارىنان وتۋدە. جوندەۋ جۇمىستارىن «زەنيت» ورال زاۋىتى» ا ق جۇرگىزۋدە.

بۇگىنگى تاڭدا جوندەۋ جۇمىستارى، كورابل كورپۋسىنىڭ سۋاستى بولىگىن تازارتۋ جانە بوياۋ، تۇپكى-بورتتىق ارماتۋرالاردى تەكسەرۋ جانە مەتالدىڭ تات باسۋىنان قورعايتىن پروتەكتورلىق قورعاۋىشتاردى اۋىستىرۋ جۇرگىزىلىپ جاتىر. جوندەۋ جۇمىستارىنا تىكەلەي كورابل كومانديرى، اعا لەيتەنانت ا. ق. قاپاشيەۆتىڭ باسشىلىق ەتۋىمەن كورابل ەكيپاجى قاتىسۋدا.

ەستەرىڭىزگە سالا كەتەيىك، ق ر ق ك اسكەري-تەڭىز كۇشتەرى ارميا حالىقارالىق ويىندارى-2016 شەڭبەرىندە «كاسپي كۋبوگى-2016» (تەڭىز بياتلونى) حالىقارالىق تەڭىز بايقاۋىنا قاتىسادى. بياتلونعا قاتىساتىن نەگىزگى جانە قوسالقى كورابلدەر دە بەلگىلەنىپ قويدى. نەگىزگى كورابل «ورال» زىمىران-ارتيللەريالىق كورابلى، قوسالقى «سارى ارقا» كورابلى بولىپ بەلگىلەندى. كورابل ەكيپاجدارى 33 ادامنان تۇرادى. وتكەن جىلى ق ر ق ك ا ت ك- ءنىڭ كومانداسى «كاسپي كۋبوگى» بايقاۋىنا العاش رەت قاتىسقان بولاتىن. بايقاۋ قورىتىندىسى بويىنشا كوماندامىز ءبىرىنشى ورىن الىپ، كۇمىس مەدالدار جيىنتىعى مەن «ب ل-680» جىلدام جۇرەتىن قايىقتىڭ يەگەرى اتاندى.