تايلاندتا گادجەت كومەگىمەن ەمتيحان تاپسىرعان تالاپكەرلەر وقۋعا تۇسپەي قالدى

استانا. قازاقپارات - تايلاندتىق تالاپكەرلەر «اقىلدى ساعات» پەن كامەراسى بار كوزىلدىرىكتى قولدانىپ ەمتيحان تاپسىرعان، دەپ حابارلايدى 24.kz تەلەارناسى.

وقۋشىلار وزىق تەحنولوگيالار كومەگىمەن ەلدەگى ەڭ بەدەلدى ۋنيۆەرسيتەتتىڭ مەديتسينالىق فاكۋلتەتىنە ءتۇسۋدى جوسپارلاعان. ولار ەمتيحان سۇراقتارىن سۋرەتكە ءتۇسىرىپ، ۇستازدارىنا جىبەرەدى.

الايدا ەلەۋسىز نارسە جاستاردىڭ جوسپارىن جۇزەگە اسىرۋعا كەدەرگى كەلتىردى. ۇلكەن كوزىلدىرىك ەمتيحان الۋشىلاردىڭ نازارىن اۋدارعان. سونىمەن قاتار تالاپكەرلەردىڭ 3 ساعاتقا لايىقتالعان ەمتيحان سۇراقتارىنا بار بولعانى 45 مينۋتتا جاۋاپ بەرگەندەرى دە كۇدىك تۋدىردى.

الاياقتارعا 170 دوللار ايىپپۇل سالىنىپ، اتى-جوندەرى قارا تىزىمگە ەنگىزىلدى. ەندى ولار بۇل مەديتسينالىق ينستيتۋتقا ەشقاشان تۇسە المايدى.