تانىمالى ءانشى جانكۇيەرلەرمەن فوتوعا تۇسپەيتىن بولدى

استانا. قازاقپارات - كانادالىق ءانشى دجاستين بيبەر بۇدان بىلاي جانكۇيەرلەرىمەن فوتوعا تۇسپەيتىن بولدى، دەپ حابارلادى «بي- بي- سي».

 ءانشى فوتوعا بىرگە ءتۇسۋ وتىنىشتەرى تۇسكەندە ءوزىن «زووباقتاعى اڭ» سياقتى سەزىنەتىنىن ايتقان.

 بيبەر ادامداردىڭ باس- كوز جوق قاۋمالاپ، ءوزىن ادام رەتىندە كورمەيتىنىن مالىمدەدى. «جانكۇيەرلەرىمنىڭ رەنجيتىنىن تۇسىنەمىن، ءبىراق ەشكىمگە فوتو قارىز ەمەسپىن»، - دەپ اتاپ ءوتتى ءانشى.

 بيبەر ساتىپ الۋشىلار ولارمەن بىرگە تۇسكەن فوتو ءۇشىن ەمەس، البوم ءۇشىن اقشا تولەيتىنىن اتاپ ءوتتى.

كەي جانكۇيەرلەردىڭ سىنىنا جاۋاپ رەتىندە وعان ادامداردى باقىتتى ەتۋ مۇمكىندىگى ۇنايتىنىن مالىمدەدى. «شىنىمەن مەنىڭ ورنىمدا بولساڭدار، قانشالىقتى شارشاتاتىنىن تۇسىنەر ەدىڭدەر»، - دەپ قوستى ول.

 بۇدان بۇرىن امەريكالىق سىنعان تەلەفونى ءۇشىن 100 مىڭ دوللار تالاپ ەتىپ، دجاستين بيبەردى سوتقا بەرگەنى حابارلانعان.