الماتى وبلىسىندا اداسقان ەكى شەتەلدىك تۋريست قۇتقارىلدى

استانا. قازاقپارات - الماتى وبلىسىنىڭ قۇتقارۋشىلارى اداسىپ قالعان ەكى شەتەلدىك تۋريستى تاپتى. ەكەۋى دە ءدىن امان. ولاردى كوكسۋ وزەنىنىڭ شاتقالدارىن تىكۇشاقپەن قاراۋ كەزىندە بايقاعان،

دەپ حابارلايدى 24.kz تەلەارناسى.

ەسكە سالا كەتەيىك، 2 - مامىر كۇنى رەسەيدىڭ 11 ادامنان تۇراتىن تۋريستىك توبى كەربۇلاق اۋدانىنداعى تاۋلى جوتالاردى جاياۋ ارالاۋعا شىققان. جولدا يننا ياكوۆليەۆا مەن مەنگي كاماا توپتان كوز جازىپ قالادى.

5 تاۋلىك بويى بويجەتكەندەر تاۋدا اداسىپ جۇرگەن. بۇل تۋرالى تۋريستىك توپتىڭ جەتەكشىسى قۇتقارۋشىلارعا حابارلاعان.

- ىزدەستىرۋ كەزىندە شەكارالىق قىزمەتتىڭ وكىلدەرى مەن الماتى وبلىستىق ىشكى ىستەر دەپارتامەنتىنىڭ قىزمەتكەرلەرى كومەكتەستى. بارلىعى 50 شاقتى ادام مەن 7 تەحنيكا، 1 تىكۇشاق قاتىستىرىلدى. قازىر ولاردىڭ دەنساۋلىقتارى جاقسى. اۋرۋحاناعا بارۋدان باس تارتتى، دەيدى وبلىستىق ت ج د باسقارما باسشىسى اسقار تويشىبەكوۆ.