الماتى اۋەجايىندا اينالاسىنداعىلارعا ءتىل تيگىزگەن قىرعىزستاندىق بويجەتكەن جاۋاپقا تارتىلدى
«8- مامىر كۇنى ساعات 00:55 تە الماتى قالالىق اۋەجايىنىڭ جەلىلىك پوليتسيا بولىمىنە Air Astana اۋە كومپانياسىنىڭ وكىلىنەن 12-تۇراقتا «الماتى-كۋالا-لۋمپۋر» رەيسىندەگى ۇشاققا وتىرعىزۋ كەزىندە ماس كۇيىندەگى جولاۋشى انىقتالعانى جونىندە حابارلاما كەلىپ ءتۇستى. ول دورەكىلىك تانىتىپ، ەسكەرتۋلەرگە قۇلاق اسپاعان، جولاۋشىلار مەن بورتتاعى جولسەرىكتەردى بالاعاتتاعان»، دەلىنگەن حابارلامادا.
اتالعان جولاۋشىنىڭ 1994-جىلعى قىرعىزستان رەسپۋبليكاسىنىڭ ازاماتشاسى ەكەنى انىقتالدى. اتالعان اكىمشىلىك قۇقىق بۇزۋشىلىققا سايكەس، پوليتسيا قىزمەتكەرلەرى ونى رەيستەن ءتۇسىرىپ تاستادى.
كولىك پوليتسەيلەرى ۇستالعان ازاماتشانىڭ ۇستىنەن 2 باپ، ياعني، ق ر ق ك «اۋە كەمەسىندە مىنەز-قۇلىق قاعيدالارىن بۇزۋ» جانە «الكوگولدىك ىشىمدىكتەردى ىشۋ نەمەسە قوعامدىق ورىندارعا ماس كۇيدە كەلۋ» بويىنشا اكىمشىلىك حاتتاما تولتىردى.
ەسكە سالا كەتسەك، «قۇقىقتىق ءتارتىپ» جەدەل-پروفيلاكتيكالىق ءىس-شاراسىنىڭ بارىسىندا ءارتۇرلى اكىمشىلىك قۇقىق بۇزۋشىلىقتار ءۇشىن 789 قۇقىق بۇزۋشى جاۋاپكەرشىلىككە تارتىلدى. ىزدەۋدە جۇرگەن 1- قىلمىسكەر ۇستالدى.
