چەحيادا بالا تۋىلعاننان كەيىن اقى تولەنەتىن «اكە دەمالىسى» ەنگىزىلەدى

استانا. قازاقپارات - چەحيا ۇكىمەتى سارسەنبىدە زاڭناماعا وزگەرىس ەنگىزدى، وعان سايكەس جاڭا تۋىلعان نارەستەلەردىڭ اكەلەرى اقى تولەنەتىن اپتالىق دەمالىس الادى.

بۇل تۋرالى پرەمەر بوگۋسلاۆ سوبوتكا ءوزىنىڭ Twitter- دەگى پاراقشاسىندا مالىمدەدى.

«بالالارى بار وتباسىنى قولداۋ اسا ماڭىزدى، - دەپ جازدى ول. - ۇكىمەت «اكە دەمالىسى» تارماعىن ماقۇلدادى». بۇل اكەلەرگە ءبىر اپتا نارەستەنىڭ جانىندا بولۋعا مۇمكىندىك بەرەدى.

اكەلەر دەمالىستا بولعاندا، ولاردىڭ 70 پايىز جالاقىسى ساقتالادى دەپ بولجانعان. زاڭعا ەنگىزىلگەن بۇل تۇزەتۋدى پارلامەنت ماقۇلداپ، پرەزيدەنت قول قويۋى ءتيىس، دەپ جازدى ر ي ا نوۆوستي.

ەڭبەك جانە الەۋمەتتىك ىستەر ءمينيسترى ميحاەلا ماركسوۆانىڭ ايتۋىنشا، «اكە دەمالىسى» ەل بيۋدجەتىنە جىل سايىن قوسىمشا 630-800 ميلليون (شامامەن 26-33 ميلليون دوللار) كرونعا تۇسەدى.