ت. دوناقوۆ ەلباسىنا مەملەكەتتىك قىزمەت جۇيەسىنىڭ اعىمداعى جاعدايى تۋرالى باياندادى

استانا. قازاقپارات - ەلباسى نۇرسۇلتان نازاربايەۆ ق ر مەملەكەتتىك قىزمەت ىستەرى ءمينيسترى تالعات دوناقوۆتى قابىلدادى.

بۇل تۋرالى اقوردانىڭ باسپا ءسوز قىزمەتىنەن حابارلادى.

ت. دوناقوۆ تاياۋدا جاڭا قۇرىلعان مينيسترلىك قىزمەتىنىڭ ارالىق ناتيجەلەرى مەن مەملەكەتتىك قىزمەت جۇيەسىنىڭ اعىمداعى جاعدايى تۋرالى باياندادى.

قازاقستان پرەزيدەنتى كاسىبي مەملەكەتتىك اپپاراتتى قالىپتاستىرۋعا باعىتتالعان «ۇلت جوسپارى» اياسىندا رەفورمالاردى ءتيىمدى ىسكە اسىرۋ ماڭىزدىلىعىنا نازار اۋداردى.

ت. دوناقوۆ اعىمداعى جىلعى ءبىرىنشى توقساندا مينيسترلىكتىڭ ۇيىمداستىرۋشىلىق قالىپتاسۋ كەزەڭى اياقتالىپ، ورتالىق جانە وڭىرلىك دەڭگەيدە ونىڭ قۇرىلىمى مەن جۇيەسى ايقىندالعانىن اتاپ ءوتتى. مينيسترلىك باسەكەگە قابىلەتتى كادرلىق قۇراممەن جاراقتالىپ، العا قويىلعان مىندەتتەردى ورىنداۋعا ءازىر.

كەزدەسۋ قورىتىندىسى بويىنشا مەملەكەت باسشىسى ءبىرقاتار ناقتى تاپسىرمالار بەردى.