ەلباسى قازاقستاننىڭ ءبىرقاتار ەلدەردەگى ەلشىلەرىن تاعايىندادى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ جارلىقتارىمەن قازاقستاننىڭ شۆەيتساريا، نيدەرلاند، پولشا جانە سينگاپۋردەگى توتەنشە جانە وكىلەتتى ەلشىلەرى تاعايىندالدى. ***

«مەملەكەت باسشىسىنىڭ جارلىقتارىمەن:

جانار سەيداحمەت قىزى ايتجانوۆا قازاقستان رەسپۋبليكاسىنىڭ شۆەيتساريا كونفەدەراتسياسىنداعى توتەنشە جانە وكىلەتتى ەلشىسى، جەنيەۆا قالاسىنداعى (شۆەيتساريا) بىرىككەن ۇلتتار ۇيىمىنىڭ بولىمشەسى مەن باسقا دا حالىقارالىق ۇيىمدار جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ تاعايىندالدى، ول قازاقستان رەسپۋبليكاسىنىڭ ەكونوميكالىق ينتەگراتسيا ىستەرى ءمينيسترى قىزمەتىنەن بوساتىلدى؛

ماعجان جانبوتا ۇلى ءىلياسوۆ قازاقستان رەسپۋبليكاسىنىڭ نيدەرلاند كورولدىگىندەگى توتەنشە جانە وكىلەتتى ەلشىسى جانە حيميالىق قارۋعا تىيىم سالۋ جونىندەگى ۇيىم جانىنداعى قازاقستان رەسپۋبليكاسىنىڭ تۇراقتى وكىلى قىزمەتىن قوسا اتقارۋشى بولىپ؛

التاي يبراگيم ۇلى ابيبۋللايەۆ قازاقستان رەسپۋبليكاسىنىڭ پولشا رەسپۋبليكاسىنداعى توتەنشە جانە وكىلەتتى ەلشىسى بولىپ؛

ۇسەن ءابدىقادىر ۇلى سۇلەيمەن قازاقستان رەسپۋبليكاسىنىڭ سينگاپۋر رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالدى»، - دەلىنگەن حابارلامادا.