رەسەيلىك پارلامەنتشىلەر استاناداعى «ءدىن لاڭكەستىككە قارسى» اتتى حالىقارالىق كونفەرەنسياعا قاتىسادى
«ءبىز حالىقارالىق كونفەرەنتسياعا ءوزىمىزدىڭ وكىلدەردى جىبەرۋدى جوسپارلاپ وتىرمىز. كونفەرەنتسياعا دايىندىق بويىنشا ۇيىمداستىرۋشى كوميتەتتىڭ جۇمىسىن ق ر پارلامەنتى سەناتىنىڭ ءتوراعاسى قاسىم-جومارت توقايەۆ باسقاراتىنى بەلگىلى. وسى كونفەرەنسياعا قاتىسۋعا ەرەكشە ماڭىزدىلىقپەن قاراپ وتىرمىز»، - دەدى ۆ. ماتۆيەنكو.
وسى رەتتە ول لاڭكەستىك قازىرگى زامانداعى ەڭ قاۋىپتى سىن-قاتەردىڭ ءبىرى ەكەنىن اتاپ ءوتتى. ونىڭ پايىمىنشا، لاڭكەستىكپەن كۇرەستە بارلىق مەملەكەتتەردىڭ، پارلامەنتتەردىڭ، كونفەسسيالاردىڭ، ازاماتتىق قوعام ينستيتۋتتارىنىڭ كۇش- جىگەرىن بىرىكتىرۋ اسا ماڭىزدى.
«وسى قاتەردى ءتيىستى دەڭگەيدە باعالاماساق، ادامزاتتىڭ دامۋى مەن وركەنيەتكە دەگەن ءقاۋىپ سەيىلمەيدى. اتاپ ايتقاندا، قازاقستاندا بۇنداي حالىقارالىق ديالوگتار تۇراقتى تۇردە ۇيىمداستىرىلىپ كەلەدى. وسى شارادا پارلامەنت مۇشەلەرىنىڭ، الەمدىك دىندەر وكىلدەرىنىڭ باسىن قوسۋ وتە دۇرىس شەشىم دەپ باعالايمىن. استاناداعى بۇل كونفەرەنسيانى وتكىزۋگە ءوزىمىزدىڭ ۇلەسىمىزدى قوسۋعا تىرىسامىز»، - دەدى ۆ. ماتۆيەنكو.
اۆتور: رۋسلان عابباسوۆ
