ءۇندىستان پوليتسياسى قازاقستان ازاماتىنىڭ قازاسىنا قاتىستى تەرگەۋ جۇرگىزۋدە
«ۆرينداۆان قالاسىندا ءبىزدىڭ ازاماتىمىزدىڭ قايتىس بولعانى راس. ءۇندىستانداعى قازاقستان ەلشىلىگى سول جەردىڭ قۇقىق قورعاۋ ورگاندارىمەن ۇنەمى بايلانىسىپ وتىر. قازىر ازاماتتىڭ نەدەن قايتىس بولعانىن انىقتاۋ ءۇشىن تەرگەۋ ءجۇرىپ جاتىر. جۋىق ارادا مارقۇمنىڭ تۋعان- تۋىستارى ءۇندىستانعا بارىپ، مۇردەنى قازاقستانعا جەتكىزۋدىڭ امالدارىن قاراستىرادى. ال، ءبىز، قازاقستاننىڭ سىرتقى ىستەر مينيسترلىگى مارقۇمنىڭ دەنەسىن تۋعان جەرىنە جەتكىزۋ ءۇشىن قولدان كەلگەنشە كومەك بەرەمىز»، - دەدى قازاقپارات تىلشىسىنە ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى ءانۋار جايناقوۆ.
ەستەرىڭىزگە سالا كەتەيىك، ءۇندىستانعا تۋريستىك ۆيزامەن بارعان 50 جاستاعى ءبىرجان ءومىرزاقوۆ ۆرينداۆان پوليتسياسى ۋچاسكەسىنە قارايتىن نيكۋنج اشرامدا 8 - مامىر كۇنى كەشكە ءبىر بولمەنى جالعا العان. 9 - مامىر كۇنى تاڭەرتەڭ بولمەدە ونىڭ ءمايىتى تابىلعان.
اۆتور: كەنجەكەي توقتامۇرات قىزى
