قۇرمانعازى اتىنداعى حالىق اسپاپتارى وركەسترى ەلوردادا كونسەرت بەرەدى - فوتو
«بيىل ەلوردامىز استانا قالاسىندا وتەدى دەپ جوسپارلاپ وتىرعان كونتسەرتىمىز تاۋەلسىزدىكتىڭ 25 جىلدىعىنا ارنالىپ، «ۇلى دالا مۇراتى» جوباسى اياسىندا ءوربيدى. قازىرگى ۋاقىتتا قۇرمانعازى وركەسترىندە 81 ءارتىس قىزمەت جاسايدى جانە ديريجەرىمىز بار»، - دەدى ول.
سونىمەن قاتار ول اعىمداعى جىلى اكادەميك احمەت جۇبانوۆتىڭ 110 جىلدىق مەرەيتويى وتەتىندىگىن ءارى ونىڭ شىعارماشىلىعى وركەستر تاراپىنان جان- جاقتى ناسيحاتتالاتىندىعىن اتاپ ءوتتى.
«2016 -جىلعا ارنالعان جوسپارىمىزدا قازاقستاننىڭ 4 وبلىسىندا كونسەرت بەرۋ جوسپارلانعان. سونىڭ العاشقىسى ەلوردادا وتپەك»، - دەدى ن. داۋەشوۆ.
ونىڭ اتاپ وتۋىنشە، 82 جىلدىق تاريحي بار وركەستردىڭ رەپەرتۋارىندا 4 مىڭنان استام تۋىندى بار. سوڭعى جىلداردىڭ ىشىندە عانا وركەستر رەپەرتۋارى 100-دەن استام جاڭا تۋىندىمەن تولىققان. ولاردىڭ قاتارىندا ۇلتتىق ءتول تۋىندىلارىمىزبەن قاتار الەمدىك كلاسسيكالىق شىعارمالار دا بار.
«جالپى وركەسترىمىزدىڭ العا قويعان ماقساتى - جىل سايىن 100 كونسەرت جانە وعان 30 مىڭ كورەرمەن جيناۋ. مۇنى ءبىز جۇزەگە اسىرىپ كەلە جاتىرمىز دەپ تە ايتا الامىز»، - دەدى ول.
