سىرتتان قارىز العانشا، بيۋدجەتتى وڭتايلاندىرۋ كەرەك - ن. ءسابيليانوۆ
ەسكە سالساق، جالپى وتىرىستا «قازاقستان رەسپۋبليكاسى مەن حالىقارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى راتيفيكاتسيالاۋ تۋرالى» زاڭ جوباسى تالقىلانعان بولاتىن.
ول بويىنشا دۇنيەجۇزىلىك بانك قازاقستانعا ماكرو ەكونوميكالىق باسقارۋ جانە ەكونوميكانىڭ باسەكەگە قابىلەتتىلىگىن ارتتىرۋ ساياساتىن قارجىلاندىرۋ ءۇشىن 1 ميلليارد دوللار مولشەرىندە قارىز بەرەدى.
«ءبىز دۇنيەجۇزىلىك بانكتەن قارىز الىپ ونى بيۋدجەتتىڭ تاپشىلىعىن جابۋعا جۇمساعالى وتىرمىز. نەگە ءبىز سىرتتان قارىز العانشا بيۋدجەتتى وڭتايلاندىرمايمىز؟ شىندىعىندا، بيۋدجەتتەن كەيبىر شىعىنداردى قىسقارتۋعا ابدەن بولادى»، - دەدى ن. ءسابيليانوۆ.
بۇل رەتتە دەپۋتات «بيزنەستىڭ جول كارتاسى» باعدارلاماسىنا ميللياردتاعان بيۋدجەت قاراجاتى بولىنەتىنىن، الايدا وسى ارقىلى قارجى الاتىن كاسىپكەرلەر بيۋدجەتكە دۇرىس سالىق تولەمەيتىنىن العا تارتتى.
«بۇل بوستان بوسقا كەتىپ جاتقان قارجى. بىزدە ءىرى كاسىپكەرلەردى قارجىلاندىرۋ باعدارلاماسى بار. جىل سايىن وعان 17-18 ميلليارد تەڭگە بولىنەدى. ونداعى باعدارلامادا ساۋدا- ساتتىقتى، نەشە ءتۇرلى كاسىپكەرلەردى قارجىلاندىرامىز. نەگە وسىلاردى قىسقارتپاسقا؟ يندۋستريالاندىرۋ باعدارلاماسىنداعى جوبالار دا سالىققا ءتيىمدى ءتۇسىم بەرمەي وتىر. ارنايى ەكونوميكالىق ايماقتارعا دا قىرۋار قاراجات ءبولىندى. ونىڭ ناتيجەسى قالاي؟ وسىلاردىڭ ءبارىن بيۋدجەتتەن قىسقارتۋ كەرەك، سىرتتان قارىز العانشا. ويتكەنى، ءبىز الەمدەگى بيزنەستى قارجىلاندىرىپ وتىرعان بىردەن- ءبىر مەملەكەتپىز. باسقا ەشبىر ەل بيزنەستى قارجىلاندىرمايدى. بىزدە كەرىسىنشە، بيزنەسكە قاراجات بولەمىز، ولار ەش سالىق تولەمەيتىن ماسىل بولىپ الدى»، - دەدى دەپۋتات ن. ءسابيليانوۆ.
دەپۋتاتتىڭ پايىمىنشا، قازىرگى تاڭدا مەملەكەت پەن بيزنەس ەكى بولەك باعىتتا قالىپ وتىر. وسىعان بايلانىستى دەپۋتات بيۋدجەتتە تاپشىلىق بولسا، سىرتتان قارىز العانشا بيۋدجەتتىڭ ءوزىن قىسقارتۋ كەرەك دەگەن ماسەلە كوتەردى.
اۆتور: قانات مامەتقازى ۇلى
