ۋكراينا پرەزيدەنتى: رەسەي ۋكرايناسىز ناتسيزمدى جەڭە الماس ەدى
8 - مامىردا سوعىس ارداگەرلەرىمەن كەزدەسۋدە پوروشەنكو ۋكراينالىقتار قىزىل ارميانىڭ، سوۆەتتىك پارتيزان قۇرامالارى مەن انتيگيتلەرلىك كواليتسياعا ەنەتىن وزگە دە ەلدەردىڭ قارۋلى كۇشتەرىنىڭ، سونىمەن بىرگە ۋكراينا كوتەرىلىسشىلەرى ارمياسى بولىمشەلەرىنىڭ قاتارىندا ناتسيزمگە قارسى كۇرەسكەنىن ايتقان.
«ۋكراينالىقتارسىز بۇل سوعىستا جەڭىسكە جەتپەگەن بولار ەدى» دەگەن پوروشەنكو. ونىڭ ءسوزى 2010 -جىلى رەسەي پرەزيدەنتى ۆلاديمير پۋتيننىڭ ەكىنشى دۇنيەجۇزىلىك سوعىسقا قاتىستى قويىلعان سۇراققا جاۋابىندا «رەسەيدىڭ گەرمانيانى ۋكرايناسىز دا جەڭىپ شىعاتىن جەڭىمپازدار ەل ەكەنى» تۋرالى ايتقانىنا جاۋاپ ءتارىزدى ەستىلدى.
ەكىنشى دۇنيەجۇزىلىك سوعىسقا رەسەي مەن ۋكراينا س س س ر قۇرامىنداعى وداقتاس رەسپۋبليكالار رەتىندە قاتىسقان.
ەۋروپا ەلدەرىنىڭ كوپشىلىگىندەگىدەي، ۋكراينا بىلتىردان باستاپ 8 - مامىر - ەسكە الۋ جانە تاتۋلىق كۇنى بولىپ بەلگىلەنگەن. 9 - مامىر - ناتسيزمگە قارسى كۇرەستەگى جەڭىس كۇنى مەيرامى بولىپ قالدى.
پوروشەنكومەن كەزدەسكەن ارداگەرلەر اراسىندا سوعىسقا قىزىل ارميا قۇرامىندا جانە ۋكراينا كوتەرىلىسشىلەرى ارمياسى (ۋ پ ا) ساپىندا قاتىسقان بۇرىنعى جاۋىنگەرلەر بولعان.
«ازاتتىق»
