گەرمانيا شيرەك عاسىردا العاش رەت اسكەر سانىن كوبەيتەدى

استانا. قازاقپارات - گەرمانيانىڭ قورعانىس ءمينيسترى نەمىس ساربازدارىنىڭ حالىقارالىق ءىس- قيمىلدارعا ءجيى قاتىسىپ جۇرگەنىن ايتىپ وتىر، دەپ جازادى بي- بي- سي.

گەرمانيانىڭ قورعانىس مينيسترلىگى 1990 - جىلى ەلدىڭ بىرىككەن ساتىنەن بەرى بۋندەسۆەردىڭ ءبىرىنشى رەت كەڭەيتىلگەلى وتىرعانىن جاريالادى.

گ ف ر قورعانىس ءمينيسترى ۋرسۋلا فون دەر ليايەن نەمىس اسكەرى سانىنىڭ كەڭەيۋى كەلەسى جەتى جىل بويى جۇرگىزىلەتىنىن ايتتى. وسى ۋاقىتتا ونىڭ قاتارىن 14 مىڭعا جۋىق اسكەري قىزمەتكەر مەن 4,5 مىڭ ازاماتتىق قىزمەتكەر تولىقتىرادى.

فون دەر ليايەن اسكەر سانىن ءوسىرۋ قاجەتتىلىگىن سوڭعى جىلدارى بۋندەسۆەر اسكەري قىزمەتكەرلەرىنىڭ بۇكىل الەمدەگى ءىس- قيمىلدارعا ءجيى قاتىسۋىمەن ءتۇسىندىردى. اتاپ ايتقاندا، نەمىس ساربازدارى مەن وفيتسەرلەرى ناتو ءىس- قيمىلدارىنا قاتىسىپ، جەرورتا تەڭىزىندە بوسقىنداردى قۇتقارۋمەن اينالىستى.

2011 -جىلى نەمىس اسكەرى سانىن كوبەيتۋ جۇيەسىن توقتاتىلعان. قازىرگى كەزدە بۋندەسۆەردىڭ سانى - 177 مىڭعا جۋىق ادامدى قۇرايدى.

 1990 -جىلى گەرمانيانى بىرىكتىرۋ كەزىندە گ ف ر اسكەري كۇشتەرىنىڭ كولەمى ازاماتتىق ماماندارمەن بىرگە ساناعاندا 800 مىڭ ادامدى قۇراعان. ودان كەيىنگى جىلدارى ەلگە تونگەن قاۋىپ- قاتەر بولماعان سوڭ بۋندەسۆەردى تۇراقتى تۇردە قىسقارتىپ وتىرعان.