14:16, 10 - مامىر 2016 | GMT +5
ۆ. جيرينوۆسكي: باتىر پانفيلوۆشىلاردىڭ ەرلىگىن جوققا شىعارۋ ارەكەتى - زيالى قاۋىمنىڭ جاڭىلىسۋى
ماسكەۋ. قازاقپارات - ۇ و س جەڭىسىنىڭ 71 جىلدىعىنا قاتىسقان ر ف فەدەرالدىق جينالىسى مەملەكەتتىك دۋماسىندا رلدپ (رەسەي ليبەرالدىق-دەموكراتيالىق پارتياسى) فراكتسياسىنان دەپۋتات ۆلاديمير جيرينوۆسكي 28- پانفيلوۆشىلاردىڭ ەرلىگىن جوققا شىعارۋ ارەكەتىن زيالى قاۋىمنىڭ جاڭىلىسۋى دەدى.
اتاپ ايتقاندا، بۇل مالىمدەمەنى 2015-جىلعى ماۋسىمدا رەسەي مەملەكەتتىك مۇراعاتتىڭ بۇرىنعى ديرەكتورى سەرگەي ميرونەنكو جاساعان. ول باتىر پانفيلوۆشىلاردىڭ ەرلىگىن اڭىز دەپ اتاعان بولاتىن.
«زيالى قاۋىم وكىلدەرى دە جاڭىلىسادى. ولارعا مىندەتتى تۇردە انىقتاما قاجەت. مايدان جەلىسى بولماعانىن تۇسىنەسىڭدەر مە. بارلىق جەردە كەڭەس ساربازدارىنىڭ مۇردەسى جاتتى. سوندىقتان مۇنى تۇسىنە المايتىن داراقىلار بار. ارينە، ەرلىك بولدى. گەنەرال پانفيلوۆ بولدى عوي. ونىڭ تۇتاس ديۆيزياسى، 316- اتقىشتار ديۆيزياسى بولدى»، - دەدى رەسەي ساياساتكەرى.
