عالىمدار بالالاردى دۇرىس تاماقتانۋعا قالاي ۇيرەتۋگە بولاتىنىن انىقتادى

استانا. قازاقپارات - اقپاراتتى بەرۋدىڭ ويىن تۇرىندەگى نىسانى بالالاردىڭ دۇرىس تاماقتانۋىن قالىپتاستىرۋعا جاردەمدەسەدى.

ا ق ش عالىمدارى وسىنداي تۇجىرىمعا كەلدى.

ءتيىستى زەرتتەۋ Journal of Nutrition Education & Behavior   جاريالاندى، دەپ حابارلادى ر ي ا نوۆوستي.

ەكسپەيمەنتكە 10-11 جاس ارالىعىنداعى 400 بالا قاتىستى. ولاردىڭ مىندەتى Squires Quest! II كومپيۋتەرلىك ويىننىڭ 10 دەڭگەيىنەن ءوتۋ بولدى، بۇل جەمىستەر مەن كوكونىستەردى تۇتىنۋدى ىنتالاندىرۋ ءۇشىن جاسالدى.

ناتيجەسىندە، قاتىسۋشىلاردىڭ 79 پايىزى ويىندا قويىلعان ماقساتقا تولىقتاي قول جەتكىزىپ، جارتى جىل ىشىندە وزدەرىنىڭ جەمىس، كوكونىسكە دەگەن قاتىناستارىن وڭ باعىتقا وزگەرتتى. عالىمدار بۇل تاپسىرمانىڭ ورىندالۋىن اتا-انالارىنىڭ مۇقيات باقىلاۋىنان عانا ەمەس، بالالاردىڭ قىزىعۋشىلىعىنىڭ دا بولعانىمەن تۇسىندىرەدى. ولار كوڭىل كوتەرىپ قانا قويماي، تاماقتانۋ تۋرالى بىلىمدەرىن تولىقتىرادى.