ەكى اپتا سايىن الەمدە ءبىر حالىقتىڭ ءتىلى جويىلادى - ب ۇ ۇ
وندا وسى ۇلتتاردىڭ ماسەلەلەرى جانە ءتىلى جايى تالقىلاندى.
بايىرعى حالىقتاردىڭ تىلدەرىنىڭ جويىلۋى جالعاسىپ كەلەدى. قولداعى دەرەكتەرگە سەنسەك، ءار ەكى اپتادا ءبىر بايىرعى حالىقتىڭ ءتىلى جويىلادى.
فورۋمدا جاريا ەتىلگەن باياندامالاردىڭ بىرىندە، قازىر الەمدە 6700 ءتىل بار ەكەندىگى ايتىلعان. ونىڭ 96 پايىزىن الەم تۇرعىندارىنىڭ ءۇش پايىزى عانا قولدانادى. جويىلۋ قاۋپى تونگەن تىلدەردىڭ دەنى بايىرعى حالىقتارعا تيەسىلى.
زەرتتەۋ اۆتورلارى وسى عاسىردىڭ اياعىندا بايىرعى حالىقتاردىڭ كوپشىلىگىنىڭ تىلدەرى جويىلىپ كەتۋى مۇمكىن دەپ قاۋىپتەنەدى. ساراپشىلار وسى ماسەلەنى شەشۋدى ۇسىنادى. ويتكەنى بايىرعى حالىقتاردىڭ ءتىلى بايلانىس قۇرالى عانا ەمەس، مىڭداعان جىلدار بويى قالىپتاسقان كەشەندى ءبىلىم جۇيەسى. ول بايىرعى حالىقتاردىڭ بولمىسىندا، دۇنيە تانىمىندا باستى رولگە يە.
«بايىرعى حالىقتاردىڭ ءتىلىنىڭ جويىلۋى ولاردىڭ وزدەرىنىڭ قۇرىپ كەتۋىنە الىپ كەلەدى»، - دەلىنگەن زەرتتەۋدە. ساراپشىلاردىڭ ويىنشا، بايىرعى حالىقتاردىڭ جويىلۋى جانە ولاردىڭ مادەنيەتىنىڭ قۇرىپ بارا جاتۋى وتارلاۋ سالدارىنان بولدى. سونداي-اق ماسەلەنى جاھاندانۋ مەن باسىم تۇسكەن مادەنيەت پەن تىلدەر ۋشىقتىرا تۇسكەن.
