17:12, 10 - مامىر 2016 | GMT +5
ەلشى س. ابدىكارىموۆ پراگادا كەڭەس ساربازدارى مەموريالىنا گۇل شوقتارىن قويدى
استانا. قازاقپارات - 9- مامىردا ۇلى جەڭىس كۇنىنە وراي قازاقستاننىڭ چەحياداعى ەلشىسى س. ابدىكارىموۆ، چەح رەسپۋبليكاسىنىڭ باسشىلارىمەن بىرگە، ت م د ەلدەرىنىڭ ديپلوماتيالىق ميسسياسى باسشىلارىمەن، قوعامدىق ۇيىمدارمەن، «ولشانى» قالالىق زيراتىندا كەڭەس ساربازى مەن چەحوسلوۆاكيا جاۋىنگەرلەرى مەموريالىنا گۇل شوقتارىن قويدى.
اتالعان شاراعا چەح تاراپىنان پارلامەنت سەناتىنىڭ ءتوراعاسى م. شتەح، پارلامەنت دەپۋتاتتارى پالاتاسىنىڭ ءتوراعاسى يا. گاماچەك، پرەزيدەنت اكىمشىلىگىنىڭ وكىلدەرى، ۇكىمەت مۇشەلەرى، چەحوسلوۆاكيانى جاۋدان ازات ەتكەن سوعىس ارداگەرلەرى، سونداي-اق چ ر مەملەكەتتىك ورگاندارى مەن قوعامدىق ۇيىمداردىڭ باسقا دا وكىلدەرى قاتىستى.
سالتاناتتى شارادان كەيىن قۇربان بولعان جاۋىنگەرلەردىڭ قۇرمەتىنە وتشاشۋ جاسالدى. ق ر ەلشىلىگىنىڭ قىزمەتكەرلەرى جانە كەڭەس وداعىنىڭ باتىرلارى ستارشينا م. ءجۇنىسوۆ، سەرجانت ت. زاينۋللين، قاتارداعى جاۋىنگەرلەر ج. ءاجىموۆ، ب. نۇرجانوۆ، م. ساپاربايەۆ، ا. بايەۆ جاتقان قازاق جاۋىنگەرلەرى زيراتىنا جەكە گۇل شوقتارى قويىلدى.
