08:37, 10 - مامىر 2016 | GMT +5
سولتۇستىك قازاقستاندىقتار «ماڭگىلىك پولك» اكسياسىنا ءۇش رەت قاتىستى - فوتو
پەتروپاۆل. قازاقپارات - پەتروپاۆلدا جەڭىستىڭ 71 جىلدىعىن مەرەكەلەۋ كۇنى «ماڭگىلىك پولك» اكسياسى ءوتتى.
مىڭداعان سولتۇستىك قازاقستاندىقتار بەيبىت ۋاقىتتا جاراقاتتان، كارىلىكتەن قازا تاپقان ارداگەرلەردى ەسكە الىپ، قالانىڭ ورتالىق كوشەسىندە شەرۋ ۇيىمداستىردى.
پەتروپاۆلدا «ماڭگىلىك پولك» اكسياسى ءۇشىنشى رەت وتۋدە. قاتىسۋشىلار سانى جىل ساناپ ارتىپ كەلەدى. قاتاردا 5 مىڭنان استام سولتۇستىك قازاقستاندىقتار بولدى. ولار قولدارىنا جەڭىس ءۇشىن ءوز ومىرلەرىن قيعان اكەلەرى، اتالارى مەن بابالارىنىڭ سۋرەتتەرىن الىپ شىقتى.
«ماڭگىلىك پولك» شەرۋى ماڭگىلىك الاۋدان باستالىپ، پۋشكين كوشەسى بويىنشا جالعاستى.
شەرۋ مادەنيەت جانە دەمالىس ساياباعىنداعى داڭق ەسكەرتكىشىنە گۇل شوقتارىن قويۋمەن اياقتالدى.
