وتان قورعاۋشىلاردىڭ ۇلى ەرلىگى ۇمىتىلمايدى - قاراعاندىداعى مينتينگ- رەكۆيەم - فوتو، كەسكىن
اۋا رايىنىڭ سۋىقتىعىنا، جاڭبىرعا قاراماستان مىڭداعان قاراعاندىلىقتار بۇكىلحالىقتىق مەرەكەگە جينالدى.
«مۇندا ايتۋلى، ۇلى مەرەكە - جەڭىس كۇنىن اتاپ ءوتۋ ءۇشىن جينالىپ وتىرمىز. وتانىمىزدىڭ ەركىندىگى مەن تاۋەلسىزدىگى جولىندا كۇرەسكەن باتىرلارىمىز بىزگە بەيبىت ءومىردى اماناتتاپ كەتتى. ادامزات تاريحىنداعى ەڭ سۇراپىل، قاندى بەتتەر جابىلعان ۋاقىتتان باستاپ 71 جىل ءوتىپتى. ءبىراق وتان قورعاۋشىلاردىڭ ۇلى ەرلىگى، قاھارماندىعى ماڭگىلىك ۇمىتىلمايدى»، - دەدى قاراعاندى وبلىسىنىڭ اكىمى نۇرمۇحامبەت ابدىبەكوۆ ءوزىنىڭ قۇتتىقتاۋ سوزىندە.
94 جاستاعى ۇ و س ارداگەرى جەرلەستەرىنە ءسوز ارنادى. «باسقا حالىقتارمەن بىرگە بەيبىت كۇن ءۇشىن فاشيزممەن كۇرەسكە قازاقستاندىقتاردىڭ قوسقان ۇلەسى وراسان. مايداندا ءبىزدىڭ كوپتەگەن قاراعاندىلىقتار ەرەكشە ەرلىگىمەن تانىلدى. ونداعان جەرلەستەرىمىز كەڭەس وداعىنىڭ باتىرى اتاعىن الدى. مىڭداعان ساربازدار وردەن، مالدارمەن ماراپاتتالدى»، - دەپ اتاپ ءوتتى 19 جاسىندا سوعىسقا اتتانعان مايدانگەر.
جينالعان جۇرتشىلىق ءبىر مينۋت ۇنسىزدىكپەن جانە ءبىر دۇركىن وق اتىپ ۇ و س- تا قازا تاپقانداردى ەسكە الدى. قاراعاندى گارنيزونىنىڭ اسكەري قىزمەتشىلەرى الاڭنان شەرۋ مارشىمەن ءجۇرىپ ءوتتى.
وبلىستىق ارداگەرلەر كەڭەسىنىڭ دەرەكتەرىنە سايكەس جەڭىس كۇنىن 246 ۇ و س قاتىسۋشىسى مەن مۇگەدەكتەرى قارسى الدى.
