جەڭىس مەرەكەسى - ۇلتىنا، جەرىنە، ءدىنى مەن تىلىنە قاراماستان بىرگە تويلايتىن ورتاق مەرەكە - استانا اكىمى

استانا. قازاقپارات - ەلوردا اكىمى ادىلبەك جاقسىبەكوۆ قالا تۇرعىندارى مەن قوناقتارىن 9 -مامىر- ۇلى جەڭىس كۇنىمەن قۇتتىقتادى، دەپ حابارلايدى astana.kz.

«9 -مامىر - ادامزات بالاسى ۇلتىنا، جەرىنە، ءدىنى مەن تىلىنە قاراماستان بىرگە تويلايتىن ورتاق مەرەكە. بۇگىنگى بەيبىت زاماندا كەۋدەسىن وققا توسىپ، وتان ءۇشىن ايانباي ەڭبەك ەتكەن اكەلەرىمىز بەن اتالارىمىزدىڭ ۇلى ەرلىكتەرىن ماقتان ەتەمىز. قان مايداندا قازا تاپقان مايدانداس دوستارىنىڭ اماناتىن ارقالاپ، ەلگە پانا، وتانعا قورعان بولعان ارداگەرلەردىڭ ەرەن ەڭبەگى تاريحتا التىن ارىپتەرمەن جازىلدى.

ەرلىك ءىس ەشقاشان ۇمىتىلماق ەمەس. اسپانىمىز ءارقاشان اشىق بولعاي! ۇلى جەڭىس كۇنى قۇتتى بولسىن!

سىزدەرگە زور دەنساۋلىق، شاڭىراقتارىڭىزعا باق- بەرەكە، ەڭبەكتەرىڭىزگە مول تابىس تىلەيمىن!»، دەلىنگەن قۇتتىقتاۋدا.