الەمنىڭ جەتەكشى ەكونوميستەرى وفشوردى تاراتۋعا شاقىردى

استانا. قازاقپارات - 30 ەلدەن ءۇش جۇزگە جۋىق ەكونوميستەر الەم كوشباسشىلارىن وفشوردى (سالىقتىق جوسپارلاۋدىڭ ەڭ ىڭعايلى، قارجىنى جاسىرۋ ءتۇرى - رەد.) تاراتۋعا شاقىردى.

ولاردىڭ پىكىرىنشە، سالىق جەڭىلدىكتەرى ايماعى «ەكونوميكالىق ماقساتقا قىزمەت ەتپەيدى» جانە «جالپى الەمدىك ءال-اۋقاتقا» پايداسى جوق.

بۇل مالىمدەمەنى ب ا ق دۇيسەنبى، 9 -مامىردا لوندوندا بىرنەشە كۇننەن كەيىن وتەتىن جەمقورلىقپەن كۇرەس كونفەرەنسياسى قارساڭىندا تاراتتى. جيىنعا 40 ەلدەن ساياساتكەرلەر، دۇنيەجۇزىلىك بانك، [حالىقارالىق ۆاليۋتا قورى (ح ۆ ق) وكىلدەرى قاتىسادى.

«وفشوردى توقتاتۋ وڭاي بولمايدى. سەبەبى اعىمداعى ءىس جاعدايىن قالىپتاستىرىپ وتىرعانداردىڭ جەكە مۇددەلەرى بار»، - دەيدى مالىمدەمەنىڭ اۆتورلارى. ولاردىڭ پىكىرىنشە، «وفشوردىڭ ودان ءارى قاجەتتىگىنە ەشقانداي ەكونوميكالىق نەگىز جوق.

ايتا كەتكەن ءجون، اۆتورلار اراسىندا - 2015 -جىلعى ەكونوميكادان نوبەل سىيلىعىنىڭ لاۋرەاتى انگۋس ديتون، ح ۆ ق بۇرىنعى باس ەكونوميسى وليۆە بلانشار جانە ت. ب. بار.