07:33, 09 - مامىر 2016 | GMT +5
قازاقستاندىق ديپلوماتتار ماسكەۋدەگى ءا. مولداعۇلوۆا جانە ب. مومىش ۇلى اتىنداعى مەكتەپتەرگە باردى
ماسكەۋ. قازاقپارات - جەڭىس كۇنى قارساڭىندا قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى جانە اسكەري اتتاشاتا قىزمەتكەرلەرى رەسەيدىڭ ماسكەۋ قالاسىنداعى كەڭەس وداعىنىڭ باتىرلارى ءاليا مولداعۇلوۆانىڭ اتىنداعى № 402 جانە زەلەنوگراد قالاسىنداعى باۋىرجان مومىش ۇلىنىڭ اتىنداعى №1912 -مەكتەپتەرگە باردى.
بۇل تۋرالى ق ر- نىڭ ر ف- داعى ەلشىلىگىنىڭ باسپا ءسوز قىزمەتى حابارلادى.
قازاقستاندىق ديپلوماتتار وقۋشىلاردىڭ سالتاناتتى تۇردە ساپقا تۇرۋىنا قاتىسىپ، ودان كەيىن باتىرلاردىڭ بيۋستتەرىنە ق ر- نىڭ ر ف- داعى ەلشىلىگىنىڭ اتىنان گۇل شوقتارىن قويدى.
شاراعا ماسكەۋ قالاسىنداعى سوعىس جانە ەڭبەك ارداگەرلەرى، قازاق دياسپوراسىنىڭ وكىلدەرى قاتىستى.
مەكتەپ وقۋشىلارى قوناقتارعا مەرەكەلىك كونسەرت قويدى، ودان كەيىن مەكتەپتەردەگى ءاليا مولداعۇلوۆا مەن باۋىرجان مومىش ۇلىنىڭ مۇراجايلارىندا ەكسكۋرسيا وتكىزىلدى.
اۆتور: قانات مامەتقازى ۇلى
