وبىر دەرتى ەمگە كونەدى مە؟

استانا. قازاقپارات - قاتەرلى ىسىك اۋرۋلارىنىڭ اتى قورقىنىشتى ەستىلەتىنى راس. ءبىراق اۋرۋ بەلگىلەرى بىلىنە سالىسىمەن، دەر كەزىندە ەم قابىلداسا، بۇل - جازىلاتىن دەرت.

زاماناۋي ونكولوگيا- مەديتسينا - ەڭ ءبىر قارقىندى دامىپ جاتقان سالا. بۇگىندە ىسىكتەردى انىقتاۋ مەن ەمدەۋدە يننوۆاتسيالىق تەحنولوگيالار كوپتەپ ەندىرىلىپ جاتىر.

ونكولوگتار مەن عالىمداردىڭ الدىندا شەشۋدى قاجەت ەتىپ تۇرعان اۋقىمدى ماسەلە - قاتەرلى ىسىكتى ەرتە ساتىلاردا، ياعني ميكروسكوپيالىق كورىنۋ دەڭگەيىندە انىقتاۋ. سوڭعى ونجىلدىقتا دياگنوستيكا مەن ەمدەۋدىڭ اسەرلى كوپ ادىستەرى تابىلدى، ىسىكتىڭ جاسۋشاىشىلىك قۇرىلىمىنا اسەر ەتەتىن ءدارى- دارمەكتەر پايدا بولدى. ەرتە ساتىدا انىقتالعان وبىرمەن ناۋقاستانعان پاتسيەنتتەر ەم العاندا، بۇدان بىلايعى تەراپيانى قاجەت ەتپەيدى، الداعى جىلداردا بەلسەندى ءومىر سۇرە الادى.

دەرت نەعۇرلىم ەرتە انىقتالسا، ونى ەمدەۋ دە سوعۇرلىم جەڭىل بولماق. ول ءۇشىن ءوزىڭىزدىڭ ەمدەۋشى دارىگەرىڭىزگە ءجيى قارالىپ، اراكىدىك مەديتسينالىق زەرتتەۋلەردەن ءوتىپ تۇرۋ كەرەك. بۇنىڭ ءوزى قانداي دا بولماسىن دەرتتەردىڭ، سونىڭ ىشىندە قاتەرلى ىسىكتەردىڭ الدىن الۋ شاراسى بولىپ تابىلادى.

وبىر - ەمگە كونەتىن دەرت. سوندىقتان ناۋقاس ونى جازىلمايتىن سىرقات دەپ بىردەن جەڭىلە سالماي، ونىمەن بەلسەندى تۇردە كۇرەسە ءبىلۋى كەرەك. ال ول ءوز كەزەگىندە دارىگەرگە ۇلكەن كومەك بولادى.

aktobegazeti.kz سايتىنان الىندى.