ەلوردالىقتار جاۋىنگەر بوتقاسىنان ءدام تاتتى - فوتو

استانا. قازاقپارات - بۇگىن ەلورداداعى ق ر قارۋلى كۇشتەرى اسكەري-پاتريوتتىق ورتالىعى الاڭىندا «جاۋىنگەر بوتقاسى» اتتى پاتريوتتىق اكسياسى ءوتتى.

وتان قورعاۋشىلار كۇنى مەن ۇلى جەڭىس مەرەكەسىنە ارنالعان شاراعا اسكەري قىزمەتشىلەر مەن ولاردىڭ وتباسىلارى، اسكەري-پاتريوتتىق كلۋبتاردىڭ مۇشەلەرى، مەكتەپ وقۋشىلارى، استانا بالالار ءۇيى مەن «SOS» بالالار اۋىلىنىڭ جەتكىنشەكتەرى قاتىستى. جالپى، 1800 گە جۋىق قوناق جينالدى.

ق ر قارۋلى كۇشتەرىنىڭ اسكەري-تاريحي مۋزەيىندە اكسياعا قاتىسۋشىلارعا ارنايى ەكسكۋرتسيا ۇيىمداستىرىلدى. ال مۋزەي الدىنا شاتىردان قالاشىق تىگىلىپ، كەلۋشىلەر جاۋىنگەر بوتقاسىنان ءدام تاتتى.

ەلوردالىقتار مەن قالا قوناقتارى مۋزەيدەگى اسكەري قارۋ-جاراقتارمەن، تەحنيكامەن سۋرەتكە ءتۇسىپ، قارۋلى كۇشتەردىڭ ورتالىق ءانسامبلىنىڭ ونەرىن تاماشالادى.

شارا بارىسىندا قاتىسۋشىلارعا «جەڭىس لەنتاسى»، جالاۋشالارى جانە باسقا دا مەرەكەلىك اتريبۋتتار تاراتىلدى.