يتاليالىق ءتىلشى: ەۋروپاداعى تەراكتىلەردىڭ ارتىندا ارنايى، قۇپيا قىزمەت تۇر

استانا. قازاقپارات - تانىمال يتاليالىق ءتىلشى، ساياساتتانۋشى، ەۋروپارلامەنتتىڭ بۇرىنعى دەپۋتاتى دجۋلەتو كەزا ءبىرىنشى تەلەارنانىڭ ەفيرىندە ەۋروپاداعى تەراكتىلەردىڭ ارتىندا ارنايى، قۇپيا قىزمەت تۇرعانىن ايتتى.

بۇل تۋرالى islam.kz حابارلايدى.

ونىڭ ايتۋىنشا، بارلىق تەراكتىلەر ارنايى قىزمەتتىڭ قاداعالاۋىمەن جاسالادى.

«لاڭكەستەر بىردە-ءبىر شەكارادان تەكسەرىلمەي وتپەيدى. تەرروريستەر قۇپيا قىزمەتپەن ءاردايىم بايلانىستا بولادى. ەۋروپاداعى تەراكتىلەردى جاساعانداردىڭ بارلىعى، مەنىڭشە، كۇدىكتىلەر بولاتىن (بۇرىننان قۇپيا قىزمەتتىڭ نازارىنداعىلار - رەد.). ەۋروپا ساياسي جانە ستراتەگيالىق داعدارىسقا كىرىپ بارادى»، - دەدى ول رەسەيلىك فەدەرالدى تەلەارناسىنىڭ كەشكى جاڭالىقتارىندا.

مىسىلعا الساق، بەلگياداعى سوڭعى تەراكتىنى جاساعان اعايىندى ءال-باكراۋيلەردىڭ بۇرىن دا زاڭ بۇزعانى بار - تەراكتىگە دەيىن ولاردىڭ ۇستىنەن ءتۇرلى قىلمىس بويىنشى ءىس قوزعالعان بولاتىن.

ناقتىراق ايتقاندا، حاليد 2011-جىلى بىرەۋدىڭ مۇلكىنە قول سۇققانى ءۇشىن دالىرەگى وزىنە تيەسىلى ەمەس اۆتوكولىكتى ايداپ كەتكەنى ءۇشىن جانە وتتى قارۋدى زاڭسىز ساقتاعانى ءۇشىن 5 جىلعا، ال يبراگيم 2010-جىلى پوليتسياداعى اتىس پەن توناۋ ماقساتىندا قارۋلى قاراقشىلىققا جول بەرگەنى ءۇشىن 9 جىلعا باس بوستاندىعىنان ايىرىلعان بولاتىن.

تۇركيا پرەزيدەنتى رەجەپ تايىپ ەردوعان مالىمدەگەندەي بەلگيالىق اعايىندى لاڭكەستەردىڭ ءبىرى وتكەن جىلى تۇركيادان دەپورتاتسيالانعان، بۇل جاعداي بەلگيانىڭ قاۋىپسىزدىك كۇشتەرىنىڭ نەگە كۇدىگىن تۋدىرماعان؟