اقتوبەدەگى اسكەري قىزمەتكەرلەر «ءمىنسىز قىزمەتى ءۇشىن» مەدالدارىمەن ماراپاتتالدى

اقتوبە. قازاقپارات - وتان قورعاۋشى كۇنى قارساڭىندا 6655№ اسكەري بولىمىندە اقتوبە وبلىسىنىڭ اكىمى بەردىبەك ساپاربايەۆ، مەملەكەتتىك مەكەمەلەردىڭ باسشىلارى، اقتوبە اسكەري گارنيزونى، قۇقىق قورعاۋ ورگاندارىنىڭ وكىلدەرى، ۇلى وتان سوعىسىنىڭ جانە ءى ءى م- ءنىڭ ارداگەرلەرى، وقۋشىلاردىڭ قاتىسۋىمەن سالتاناتتى شارا بولىپ ءوتتى.

جينالعانداردى مەرەكەمەن قۇتتىقتاعان ايماق باسشىسى ءبىزدىڭ مەملەكەت قازاقستاندىق ارميانىڭ سوعىسقا قابىلەتتىلىگىنە، قارۋلى كۇشتەردىڭ ماتەريالدىق-تەحنيكالىق قامتاماسىز ەتۋدى ارتتىرۋعا جانە اسكەري قىزمەتكەرلەردىڭ الەۋمەتتىك قامتىلۋىنا ەرەكشە كوڭىل بولەتىنىن اتاپ ءوتتى.

شارانىڭ بارىسىندا بەردىبەك ساپاربايەۆ ايماقتا ورنالاسقان اسكەري گارنيزونداردىڭ 9 اسكەري قىزمەتكەرىنە «ءمىنسىز قىزمەتى ءۇشىن» مەدالدارىن تابىستادى. ءبىرقاتار ساربازدار مەن وفيتسەرلەر وبلىس اكىمىنىڭ العىس حاتتارىمەن ماراپاتتالدى. بۇل مەرەكەلىك كۇنى قارۋلى كۇشتەر ارداگەرلەرى دە ناگرادالارعا يە بولدى. ماراپاتتاۋ راسىمىنەن كەيىن  6655№ اسكەري ءبولىمى قىزمەتكەرلەرىنىڭ مەرەكەلىك شەرۋى ءوتتى.

سول كۇنى ايماق باسشىسى اقتوبە گارنيزونىنىڭ جابدىقتاعان ارنايى تەحنيكامەن تانىسىپ ءوتتى. بەردىبەك ساپاربايەۆ جورىق اس ۇيىنەن ساربازدار بوتقاسىنان دا ءدام تاتتى، دەپ حابارلايدى «اقتوبە اقپارات» پورتالىنان.