اقمولا وبلىسىنىڭ اكىمى مەن پولشا سەناتىنىڭ مارشالى ىنتىماقتاستىق ماسەلەلەرىن تالقىلادى

كوكشەتاۋ. قازاقپارات - پولشا رەسپۋبليكاسى سەناتىنىڭ مارشالى س. كارچيەۆسكي باستاعان پولشالىق دەلەگاتسيا اقمولا وبلىسىنا جۇمىس ساپارىمەن كەلدى.

بۇل تۋرالى وبلىس اكىمىنىڭ باسپا ءسوز قىزمەتىنەن حابارلادى.

كەزدەسۋ بارىسىندا ايماق باسشىسى پولشا رەسپۋبليكاسىنان كەلگەن رەسمي دەلەگاتسياعا ءوڭىردىڭ ينۆەستيتسيالىق الەۋەتى تۋرالى ءتۇسىندىرىپ ءوتتى.

«اقمولا وبلىسىنىڭ پولشا ەلىمەن ساۋدا-ەكونوميكالىق قاتىناستى دامىتۋعا مۇمكىندىگى زور»، - دەدى س. كۋلاگين.

ەسكە سالا كەتەيىك، 2015-جىلدىڭ قورىتىندىسى بويىنشا اقمولا وبلىسى مەن پولشا ەلىنىڭ اراسىندا ساۋدا اينالىمى 6,3 ميلليون ا ق ش دوللارىن قۇراعان.

بۇگىنگى كۇنى وبلىس اۋماعىندا پولشالىقتارمەن ارىپتەستىك قاتىناس ورناتقان «ورميس-ستروي» جانە «بليۋز» (كوسمەتيكالىق ونىمدەر شىعارادى) جاۋاپكەرشىلىگى شەكتەۋلى سەرىكتەستىكتەرى جۇمىس ىستەيدى.

«وسى كۇنى وڭىردە پولشا رەسپۋبليكاسىمەن بىرلەسكەن ەكى كاسىپورىن جۇمىس ىستەيتىن ەسكەرسەك، بۇل، ارينە از. سوندىقتان، ارىپتەستىك قاتىناستى نىعايتۋ قاجەت. اقمولا وبلىسى ونەركاسىپتىك جانە اگرارلى وبلىس بولعاندىقتان ءتۇرلى سالالار بويىنشا ەكى جاقتى ارىپتەستىكتى دامىتۋعا مۇمكىندىك مول»، - دەپ اتاپ ءوتتى ايماق باسشىسى.

ءوز كەزەگىندە س. كارچيەۆسكي مىرزا دا جىلى قارسى العان ايماق باسشىسىنا العىسىن ءبىلدىرىپ، ەكى جاقتى ارىپتەستىكتى قاتىناستى دامىتۋعا ءازىر ەكەندىگىن جەتكىزدى.