قارۋلى كۇشتەرىمىزدىڭ ابىرويىن اسقاقتاتار ساربازدارعا قانداي قۇرمەت كورسەتسەك تە جاراسادى - ك. كوكىرەكبايەۆ
بۇل تۋرالى جامبىل وبلىسى اكىمىنىڭ باسپا ءسوز قىزمەتى حابارلادى.
ءىس-شارا بارىسىندا جامبىل وبلىسىنىڭ اكىمى وتان قورعاۋشىلار مەن ساربازداردى قۇتتىقتادى.
- بارشاڭىزدى قازاقستان رەسپۋبليكاسىنىڭ وتان قورعاۋشى كۇنى - مەملەكەتتىك مەرەكەسىمەن قۇتتىقتايمىن! وتان قورعاۋشى كۇنى - ەل تاريحىنداعى ەرەكشە كۇن. ۇلتتىق اسكەرىمىز الەمنىڭ الدىڭعى قاتارلى ارميالارىمەن يىق تەڭەستىرەتىن دارەجەگە جەتتى. ەلىمىز بەن جەرىمىزدىڭ قورعانى، تىنىشتىعىمىزدىڭ ساقشىسى، مەملەكەت قاۋىپسىزدىگىنىڭ كەپىلىنە اينالدى. سوندىقتان دا، قارۋلى كۇشتەرىمىزدىڭ ابىرويىن اسقاقتاتار ساربازدارعا قانداي قۇرمەت كورسەتسەك تە جاراسادى.
بۇگىندە قازاقستان قارۋلى كۇشتەرىنىڭ قۇرامىنداعى «وڭتۇستىك» ايماقتىق قولباسشىلىعىنىڭ ساردارلارى مەن ساربازدارى ناعىز پاتريوت جانە وزدەرىنىڭ جاۋىنگەرلىك ءىسىنىڭ مايتالماندارى ەكەنىن ءىس جۇزىندە كورسەتۋدە، - دەپ اتاپ ءوتتى ءوڭىر باسشىسى كارىم كوكىرەكبايەۆ.
وبلىس اكىمى سوعىس جانە ەڭبەك ارداگەرلەرىنە جاستارعا اسكەري-پاتريوتتىق تاربيە بەرۋگە قوسقان ۇلەسى ءۇشىن العىسىن ءبىلدىردى.
سونداي-اق، وتان قورعاۋشىلار مەن ساربازدارعا العىس حاتتارمەن جانە ەستەلىك سىيلىقتارمەن ماراپاتتادى.
ءىس-شارا سوڭى ۇلكەن مەرەكەلىك كونسەرتپەن اياقتالدى.
