06:59, 08 - مامىر 2016 | GMT +5
لوندوننىڭ مەرى بولىپ تۇڭعىش رەت مۇسىلمان سادىق حان سايلاندى
استانا. قازاقپارات - لوندوننىڭ مەرى بولىپ لەيبوريست سادىق حان سايلاندى، ول تاريحقا بۇل قىزمەتتەگى العاشقى مۇسىلمان رەتىندە كىرەدى.
جاڭا قالا باسشىسىنىڭ ەسىمى سەنبىگە قاراعان ءتۇنى لوندوندىق راتۋشاداعى ارنايى ءراسىم كەزىندە اتالدى، دەپ جازادى ر ي ا نوۆوستي.
قورىتىندى ناتيجەلەرگە سايكەس، حان 44 پايىز داۋىس الدى، ال ونىڭ باستى باسەكەلەسى، اريستوكرات جانە مۋلتيميلليونەر زاك گولدسميت 35 پايىز داۋىسقا يە بولدى.
حان بۇل قىزمەتتە بۇرىنعى مەر، كونسەرۆاتور، قازىرگى كەزدە پارلامەنت دەپۋتاتى جانە دەۆيد كەمەروننان كەيىن پرەمەر-مينيستر قىزمەتىنە الەۋەتتى كانديداتتاردىڭ ءبىرى بولىپ قالىپ وتىرعان بوريس دجونسوننىڭ ورنىنا كەلدى.
دجونسون جۇما كۇنى سيتي-حوللدان سوڭعى «تۆيتتەرىن» جاريالادى.
«سيتي- حوللدان كەتەتىن ۋاقىت بولدى. سىزدەردىڭ مەرىڭىز بولۋ مەن ءۇشىن ۇلكەن قۇرمەت ەدى»، - دەپ جازدى دجونسون.
