جۋرناليستى ولتىرگەن كۇدىكتى ماسكەۋدە ۇستالدى

استانا. قازاقپارات - رەسەي تەرگەۋ كوميتەتى ۇلتتىق جاڭالىقتار قىزمەتىنىڭ رەداكتورى الەكساندر رۋبتسوۆتى ولتىرگەن كۇدىكتى ەر ادامدى ۇستاعانىن حابارلادى.

اۋىر جاراقاتتار مەن ۇرىپ-سوعۋ بەلگىلەرمەن 35 جاستاعى جۋرناليستىڭ مۇردەسى ماسكەۋدەگى ونىڭ پاتەرىنەن تابىلعان.

ۇ ج ق سايتىنداعى حابارلامادا رۋبتسوۆتى 3 -مامىردا ولتىرگەن دەلىنگەن، ونىڭ پاتەرىن توناپ كەتكەن.

تەرگەۋ كوميتەتىنىڭ دەرەكتەرىنە قاراعاندا، ونى ولتىرگەن 1986 -جىلى تۋىلعان ەر ادام بولۋى مۇمكىن. «قىلمىس ورىن الماس بۇرىن جابىرلەنۋشى ۇستالعان ەر ادامعا (بىرگە تۇرىپ جاتقان) پاتەر كىلتىن بەرگەنى انىقتالدى»، - دەپ حابارلادى ر ت ك.

كۇدىكتىگە ايىپ تاعىلدى، ونى قاماۋدا ۇستاۋ تۇرىندە بۇلتارتپاۋ شارالارىن قابىلداۋ ماسەلەسى شەشىلۋدە. سوت- مەديتسينالىق، مولەكۋليارلىق- گەنەتيكالىق جانە داكتيلوسكوپيالىق ساراپتاما تاعايىندالدى، دەلىنگەن حابارلامادا.

ۇ ج ق اگەنتتىگى - "ناشە راديو"، Rock FM، Best FM جانە "راديو JAZZ" - ءتورت راديوستانساسىنا جاڭالىقتار جەتكىزەدى. سوڭعى ەكى جىلدا الەكساندر رۋبتسوۆ وسى راديو ستانسالاردا جاڭالىقتار شىعارىلىمىن جۇرگىزگەن.