ەلباسى «نۇر وتان» پارتياسى ءتوراعاسىنىڭ جاڭا ءبىرىنشى ورىنباسارى م. قۇل-مۇحاممەدتى تانىستىردى

استانا. قازاقپارات - «نۇر وتان» پارتياسىنىڭ ساياسي كەڭەس بيۋروسى وتىرىسىندا مەملەكەت باسشىسى نۇرسۇلتان نازاربايەۆ پارتيا ءتوراعاسىنىڭ جاڭا ءبىرىنشى ورىنباسارى مۇحتار قۇل-مۇحاممەدتى تانىستىردى.

بۇل تۋرالى اقوردانىڭ تۆيتتەردەگى رەسمي پاراقشاسىندا حابارلاندى.

مۇحتار ابرار ۇلى قۇل-مۇحاممەد 1960 -جىلى تۋعان. قازاق مەملەكەتتىك ۇلتتىق ۋنيۆەرسيتەتىن بىتىرگەن، زاڭ عىلىمدارىنىڭ دوكتورى، پروفەسسور.

1982 - 1992 -جىلدارى قازاق كەڭەس ەنسيكلوپەدياسىنىڭ عىلىمي رەداكتورى، اعا عىلىمي رەداكتورى، فيلوسوفيا، قۇقىق جانە سوتسيولوگيا رەداكسياسىنىڭ مەڭگەرۋشىسى، جاۋاپتى حاتشى بولىپ ەڭبەك ەتتى.

1992 - 1999 -جىلدارى - «اتامۇرا» باسپا كورپوراتسياسىنىڭ پرەزيدەنتى.

1999 - 2001 -جىلدارى - قازاقستان رەسپۋبليكاسى پارلامەنتى سەناتىنىڭ دەپۋتاتى، زاڭ شىعارۋ جانە قۇقىقتىق رەفورما جونىندەگى كوميتەتىنىڭ حاتشىسى، سەناتتىڭ الەۋمەتتىك- مادەني دامۋ جونىندەگى كوميتەتىنىڭ ءتوراعاسى.

2001 - 2003 -جىلدارى - قازاقستان رەسپۋبليكاسىنىڭ مادەنيەت، اقپارات جانە قوعامدىق كەلىسىم ءمينيسترى.

2003 - 2007 -جىلدارى - قازاقستان رەسپۋبليكاسى پرەزيدەنتىنىڭ كەڭەسشىسى، قازاقستان رەسپۋبليكاسى پرەزيدەنتىنىڭ باسپا ءسوز حاتشىسى، پرەزيدەنت اكىمشىلىگى باسشىسىنىڭ ورىنباسارى - قازاقستان رەسپۋبليكاسى پرەزيدەنتىنىڭ باسپا ءسوز حاتشىسى.

2007 - 2008 -جىلدارى - قىزىلوردا وبلىسىنىڭ اكىمى.

2008 - 2010 -جىلدارى - قازاقستان رەسپۋبليكاسىنىڭ مادەنيەت جانە اقپارات ءمينيسترى.

2010 - 2011 -جىلدارى - قازاقستان رەسپۋبليكاسىنىڭ مادەنيەت ءمينيسترى.

2012 - 2013 -جىلدارى - قازاقستان رەسپۋبليكاسىنىڭ مەملەكەتتىك حاتشىسى.

2013 - 2014 -جىلدارى - قازاقستان رەسپۋبليكاسىنىڭ مادەنيەت جانە اقپارات ءمينيسترى.

2014 - 2015 -جىلدارى - قازاقستان رەسپۋبليكاسى پرەزيدەنتىنىڭ كەڭەسشىسى.

2015 -جىلدىڭ ناۋرىزىنان مامىرىنا دەيىن - نۇرسۇلتان نازاربايەۆتىڭ كانديداتۋراسىن قولداۋ ءۇشىن قۇرىلعان رەسپۋبليكالىق قوعامدىق شتابتىڭ باسشىسى.

2015 -جىلعى 5 -مامىردان بۇگىنگى كۇنگە دەيىن قازاقستان رەسپۋبليكاسى پرەزيدەنتىنىڭ كەڭەسشىسى بولىپ قىزمەت ەتتى.