قاراعاندى وبلىسىنىڭ اكىمى ارداگەرلەرگە ارناپ ءان شىرقادى - فوتو، كەسكىن
بۇل تۋرالى ايماق باسشىسىنىڭ باسپا ءسوز قىزمەتىنەن حابارلادى.
قابىلداۋعا وبلىس قالالارى مەن اۋداندارىنان 45 ارداگەر قاتىستى.
«جەرلەستەرىمىزدىڭ مايدانداعى ەرلىگى قازاقستاندىقتاردىڭ جۇرەكتەرىندە ماڭگى ساقتالادى. سوعىستاعى جەڭىس - ءاربىر جاۋىنگەردىڭ باتىرلىعى مەن ەرلىگىنىڭ ناتيجەسى. ءبىزدىڭ قاسيەتتى پارىزىمىز - جەڭىستى اكەلگەن ءاربىر ارداگەردىڭ مۇقتاجدارىن ۇمىتپاۋ. بۇل تالاپ جەرگىلىكتى بيلىك ورگاندارى ءۇشىن ءىس- قيمىل باعدارلاماسى بولىپ تابىلادى»، - دەپ اتاپ ءوتتى ن. ابدىبەكوۆ.
قابىلداۋ قاتىسۋشىلارى ءۇشىن كونسەرت ۇيىمداستىرىلدى، ءارقايسىسىنا سىيلىقتار تابىس ەتىلدى. وبلىس اكىمى ارداگەرلەر ءۇشىن «زەمليانكا» ءانىن ورىندادى.
قاراعاندى وبلىسىنان مايدانعا 45 مىڭعا جۋىق ادام اتتاندى، 18 مىڭ جاۋىنگەر ۇيلەرىنە ورالمادى. 6587 قاراعاندىلىق ۇلى وتان سوعىسىنىڭ مايداندارىندا ەرلىك كورسەتكەنى ءۇشىن وردەندەرمەن جانە مەدالدارمەن ماراپاتتالدى، 18 ى كەڭەس وداعىنىڭ باتىرى اتاندى.
بۇگىندە وبلىستا ۇلى وتان سوعىسىنىڭ 246 قاتىسۋشىسى مەن مۇگەدەگى، 15 مىڭنان استام تىل ەڭبەككەرى تۇرىپ جاتىر.
