قىزىلوردالىق پوليتسەي پرەزيدەنت جارلىعىمەن «ەرلىگى ءۇشىن» مەدالىمەن ماراپاتتالدى - فوتو
شاراعا ىشكى ىستەر ورگاندارىنىڭ ۇلى وتان سوعىسى ارداگەرلەرى، سوعىس ارداگەرلەرىنىڭ تۋىستارى، قىزىلوردا وبلىستىق ارداگەرلەر كەڭەسىنىڭ ءتوراعاسى، دەپارتامەنت باسشىلىعى جانە جەكە قۇرام قاتىستىرىلدى. بۇل تۋرالى وبلىستىق ءى ءى د باسپا ءسوز قىزمەتى حابارلادى.
سالتاناتتى شارادا ق ر ىشكى ىستەر ءمينيسترى ق. قاسىموۆتىڭ قۇتتىقتاۋى وقىلدى. دەپارتامەنت باسشىسى ج. سۇلەيمەنوۆ سوعىس ارداگەرلەرىن، جالپى ىشكى ىستەر ورگاندارى ارداگەرلەرىن ۇلى جەڭىس مەرەكەسىمەن قۇتتىقتاپ، بۇل سوعىستا ەرلىكپەن قازا تاپقان باتىر اتالارىمىزدىڭ تاريح تورىنەن ورىن الاتىنى جانە ۇرپاقتارى جەڭىس الاۋىن سوندىرمەي، وتان ءۇشىن وت كەشكەندەردى جۇرەك تۇكپىرىندە ۇستايتىنىن ەرەكشە اتاپ ءوتتى.
جيىن بارىسىندا ادام ءومىرىن قورعاۋ كەزىندە اسقان قىراعىلىق پەن جانقيارلىق تانىتىپ، وتان الدىنداعى انتىنا بەرىك بولىپ، قىزمەتتىك مىندەتىن ادال ورىنداعانى ءۇشىن قىزىلوردا قالالىق ءى ءى ب جەرگىلىكتى پوليتسيا قىزمەتى جول- پاترۋلدىك پوليتسيا باتالونىنىڭ پوليتسەيى، اعا سەرجانت نۇرتايەۆ نۇرلىبەك امانگەلدى ۇلى قازاقستان رەسپۋبليكاسى پرەزيدەنتىنىڭ جارلىعى بويىنشا «ەرلىگى ءۇشىن» مەدالىمەن ماراپاتتالدى.
سونىمەن قاتار، شارا بارىسىندا ىشكى ىستەر ءمينيسترىنىڭ ماراپاتتاۋ جايلى بۇيرىعى وقىلىپ، مينيستر بۇيرىعىمەن 12 قىزمەتكەر ماراپاتتالدى. قىزىلوردا ءى ءى د باستىعى پوليتسيا پولكوۆنيگى ج. سۇلەيمەنوۆتىڭ بۇيرىعىمەن دەپارتامەنتتىڭ 10 ارداگەرى، سونداي- اق، ءوز قىزمەتتىك مىندەتتەرىنە ادالدىقپەن قاراپ، قۇقىقتىق ءتارتىپ پەن قاۋىپسىزدىكتى قامتاماسىز ەتۋدە ەرەكشە كوزگە تۇسكەن دەپارتامەنتتىڭ 100-گە جۋىق قىزمەتكەرى ماراپاتتالدى.
ودان ءارى مەرەكەلىك ءىس- شارا جاس قىزمەتكەرلەردىڭ انت قابىلداۋ راسىمىنە ۇلاستى. اسكەري ومىرگە اياق باسقان جاس بۋىندى ايتۋلى كۇندەرىمەن ىشكى ىستەر ورگانى ارداگەرلەرىنىڭ اتىنان ارداگەرلەر كەڭەسىنىڭ ءتوراعاسى م. پەيسوۆ تە قۇتتىقتاپ، ازاماتتىق بورىشتارىن ابىرويمەن اتقارۋلارىنا تىلەكتەستىك ءبىلدىرىپ، ىستىق ىقىلاسىن جەتكىزدى.
ءىس- شارا ەسكەرتكىشكە گۇل شوقتارىن قويۋمەن قورىتىندىلانىپ، شارا سوڭىندا كەلگەن قوناقتار ەستەلىك سۋرەتكە ءتۇستى.
سونىمەن قاتار، ارداگەرلەردىڭ قۇرمەتىنە مەرەكەلىك داستارقان جايىلىپ، كونسەرتتىك باعدارلاما قويىلدى.
