تاجىكستان تۇرعىندارى پرەزيدەنتكە قاستاندىق جاساماق بولعان
بۇل تۋرالى ورتالىق ازيا جاڭالىقتارى جازادى.
ديلافرۋز حولوۆا جانە يززاتۋللو فۋزايلوۆ ەسىمدى ەكى دۋشانبەلىك ازامات «يسلام مەملەكەتى» لاڭكەستىك ۇيىمىنىڭ مۇشەلەرىمەن بىرگە ەل پرەزيدەنتى ەمومالي راحموندى ءولتىرۋدى جانە حودجاند پەن ۆاحداتتاعى بىرنەشە نىساندى جارۋدى جوسپارلاعان دەپ ايىپتالادى.
كىناسىن تولىق مويىنداعان ديلافرۋز حولوۆا 8,5 جىلعا سوتتالدى، ال كىناسىن جارتىلاي موينىنا العان يززاتۋللو فۋزايلوۆ 10 جىلعا باس بوستاندىعىنان ايىرىلدى.
سوتتا كوزدەگەندەرىن جۇزەگە اسىرۋ ءۇشىن سوتتالۋشىلاردىڭ قاجەت قارۋ مەن ي م تۋىن تابا الماعاندارى ايتىلدى.
تاجىكستان پرەزيدەنتى ەمومالي راحمونعا قاستاندىق بۇدان بۇرىن دا، 1997-جىلى حودجاندتا بولعان. ول كەزدە پرەزيدەنتپەن بىرگە بۇرىنعى ىشكى ىستەر ءمينيسترى ياكۋب ساليموۆ سەكىلدى ەل باسشىسىنىڭ ءبىرقاتار جاقىن سەرىكتەرى دە جاراقات العان ەدى.
