وسكەمەندەگى كورمەگە سوعىس جىلدارىنداعى ءتۇپنۇسقا قۇجاتتار قويىلدى - فوتو
ەكسپوزيتسياعا سوعىس جىلدارىنداعى قۇجات ءتۇپنۇسقالارى (مايداننان حات، قىزىل اسكەر كىتاپشالارى، مايدان سۋرەتتەرى، ساربازدار مەن ماتروستاردىڭ جاراقاتتانعانى، كيىم-كەشەگى، جاراقتارى، قارۋلارى، وردەن-مەدالدارى جانە ت. ب. تۋرالى انىقتامالار) ۇسىنىلدى. سارعايعان سۋرەتتەر ءوز وتانىن جاۋدان قورعاعان باتىرلار جايلى سىر شەرتەدى.
اتى اڭىزعا اينالعان قولباسشى گ. جۋكوۆتىڭ جەكە جۇرگىزۋشىسى 1911-جىلى تۋىلعان فەدور سپيريننىڭ (ۇرپاقتارى وسكەمەندە، قاسىم قايسەنوۆ كەنتىندە تۇرادى) قۇجاتقا ارنالعان سۋرەتى. ف. سپيرين التاي ولكەسىنىڭ گيليەۆو اۋىلىندا دۇنيەگە كەلگەن.
باسقا دا 19451-1945-جىلدارى ۇ و س قاتىسۋشىلار تۋرالى ءبىرقاتار قىزىقتى دەرەكتەر كورسەتىلدى. مىسالى، ۆيكتور سەنكيەۆيچتىڭ «پولك ۇلى» قۇجاتى مەن سۋرەتتەرى. جاس جىگىت 17 جاسىندا ەرلىك كورسەتىپ جاۋىنگەرلىك وردەنمەن ماراپاتتالدى.
كورمەدە جاڭا مۇراجاي فوتوگالەريانىڭ تانىستىرىلىمى ءوتتى. وندا وسكەمەندە تۇراتىن ۇ و س امان ورالعان قاتىسۋشىلاردىڭ پورترەتتەرى ۇسىنىلدى.
مۇراجاي ديرەكتورىنىڭ ورىنباسارى تامارا بىكوۆا ءوز سۋرەتتەرىن جۇزدەن اسا مايدانگەر تابىس ەتكەنىن ايتتى.
