قازاقستاندىق ونكولوگتار پلاستيكالىق ىدىستاردى قولدانباۋعا كەڭەس بەردى
دارىگەرلەر بۇل بايلامعا شەتەلدىك ارىپتەستەرىنىڭ زەرتتەۋلەرىنە سۇيەنە وتىرىپ كەلىپتى. پوليمەرلى ىدىستاردى پايدالانعان كەزدە ولاردان راك تۋدىرۋى مۇمكىن حيميالىق زاتتار بولىنەدى ەكەن.
بۇل تۋرالى 31- ارنا حابارلايدى.
دارىگەر-ونكولوگ قازىبەك قارابايەۆ جاستىعىنا قاراماستان ءبولىم باسقارىپ وتىر. وعان دا، باسقا دارىگەرلەرگە دە قويىلاتىن ساۋال - قاۋىپتى اۋرۋدان قالاي قورعانۋعا بولادى.
«ديسپانسەر ەسەبىندە 9 مىڭنان استام ادام تۇر. جىل سايىن ەكى مىڭعا جۋىق ادامدى ەسەپكە الامىز»، - دەيدى پاۆلودار وبلىستىق ونكولوگيالىق ديسپانسەرىنىڭ ءبولىم مەڭگەرۋشىسى قازىبەك قارابايەۆ.
اۋرۋعا شالدىعۋدان رەسپۋبليكا بويىنشا سولتۇستىك قازاقستان وبلىسى الدا تۇرسا، ودان كەيىن شىعىس قازاقستان مەن پاۆلودار ورنالاسقان. ونكولوگيالىق اۋرۋلاردىڭ ناقتى سەبەبى ەلىمىزدە دە، شەتەلدە دە تابىلمادى. ءبىراق، ماماندار قاۋىپتى دەرتتىڭ ءورشۋى ەكولوگيا، زياندى ادەتتەر اسەرىنەن دەپ توپشىلايدى. بۇل قاۋىپتى اۋرۋدى شاقىراتىن تاعى ءبىر نارسە - پلاستيكالىق قۇتىلار دا بولۋى مۇمكىن ەكەن.
«دارىگەرلەر ادام دەنساۋلىعى ءۇشىن ماڭىزى زور دەپ سۋدى كوبىرەك ىشۋگە كەڭەس بەرەدى. ءبىراق، بۇل رەتتە پلاستيكالىق بوتەلكەلەردى قولدانباعان ءجون. ولاردىڭ قاي ءتۇرى بولماسىن كانتسەروگەن بولەدى ەكەن.
پوليمەرلى ىدىستار 90-جىلدارى شىعا باستاعان. ودان تەك بوتەلكەلەر ەمەس، ءبىر رەت پايدالانۋعا جارايتىن ىدىستار دا جاسالادى. پلاستيكالىق قۇتىلار قۇرامىنداعى فورمالدەگيد، گەكسان، اتسەتون، مەتيلدى سپيرتتەر ادام اعزاسىنا زيان ەكەن.
