08:42, 06 - مامىر 2016 | GMT +5
لاڭكەستىك ارەكەت جاساماق بولعان ەر ادام قاماۋعا الىندى
استانا. قازاقپارات - ماسكەۋ قالاسىنىڭ پرەوبراجەنسكي سوتى رەسەيلىك ارنايى قىزمەتتەر ەل استاناسىندا جەڭىس كۇنىن مەرەكەلەۋ كەزىندە لاڭكەستىك ارەكەت جاساماق بولدى دەگەن ايىپ تاققان ايبەك سايدوۆتى قاماۋعا الدى.
«سوت قاۋلىسى بويىنشا ايبەك سايدوۆقا قاتىستى 3- شىلدەگە دەيىن قاماۋعا الۋ تۇرىندەگى بۇلتارتپاۋ شاراسى تاعايىندالدى»، - دەپ حابارلادى ينتەرفاكس اگەنتتىگىنە سوتتىڭ باسپا ءسوز حاتشىسى.
قاماۋعا الىنعان ەر ادام سونداي-اق قۇقىق قورعاۋ ورگانى قىزمەتكەرىنىڭ ومىرىنە قاستاندىق جاساماق بولدى جانە قارۋدى زاڭسىز ساقتادى دەپ ايىپتالىپ وتىر.
سارسەنبىدە رەسەي ف ق ق قوعامدىق بايلانىستار ورتالىعى ارنايى ءىس-قيمىلداردى جۇرگىزۋ كەزىندە ماسكەۋدە ورتالىق ازيا ەلدەرىنەن شىققان ءبىر توپ ازامات ۇستالعانى تۋرالى حابارلادى.
