اسىلجان مامىتبەكوۆكە سوڭعى ەسكەرتۋ جاسالدى
«اۋىل شارۋاشىلىعى ءمينيسترى اسىلجان مامىتبەكوۆكە تولىق ەمەس قىزمەتتىك سايكەستىك جاريالايمىن. بۇل سوڭعى رەت جاسالعان ەسكەرتۋ دەگەن ءسوز (...). ەگەر بۇگىن تاپسىرىلعاندى ورىنداماساڭ، قىزمەتتەن كەتەسىڭ»، - دەدى پرەزيدەنت اقوردادا.
مەملەكەت باسشىسى جەر كودەكسىندەگى قۇقىق سالاسى ءبىرىنشى كەزەكتە اۋىل شارۋاشىلىعىنا قاتىستى ەكەنىن، ءبىراق اگرارلىق ۆەدومستۆونىڭ باسشىسى وسى ۋاقىت بويى ۇندەمەي كەلگەنىن ايتتى.
«زاڭ جوباسىن جاساۋدا بەلسەندى قاتىسپادىڭ. ءتىپتى تۇسىندىرمەدىڭ. تاڭعالامىن، اۋىل شارۋاشىلىعى قايدا؟ ەگەر جەر بولماسا - اۋىل شارۋاشىلىعى دا بولمايدى. كارىم كاكىمجان ۇلى، جەر باسقا ۆەدومستۆودا قالىپ، اگرارلىقتار قالايشا تىسقارى قالىپ قويدى؟ ولار قايدا؟ اۋەدە تازالاپ، جۇمىس ىستەيتىن بە ەدى؟ ول ەندى دىم قاتىسى جوقتاي وتىر»، - دەدى نۇرسۇلتان نازاربايەۆ.
ول ۇكىمەتكە جەر قاتىناستارىن رەتتەۋ سالاسىنداعى سالالىق فۋنكسيالاردى اۋىل شارۋاشىلىعى مينيسترلىگىنە وتكىزۋدى تاپسىردى.
