ن. نازاربايەۆ جاڭادان اقپارات جانە كوممۋنيكاتسيا مينيسترلىگىن قۇرۋدى تاپسىردى

استانا. قازاقپارات - بۇگىن اقوردادا وتكەن كەڭەس بارىسىندا ق ر پرەزيدەنتى نۇرسۇلتان نازاربايەۆ جاڭا ۋاكىلەتتى مەملەكەتتىك ورگان - اقپارات جانە كوممۋنيكاتسيا مينيسترلىگىن قۇرۋدى تاپسىردى.

«اقپاراتتىق ساياساتقا كەلەر بولساق، بۇل فۋنكتسيا قازىر باسقا مينيسترلىكتىڭ قۇزىرىندا تۇر. ۇكىمەتتە بۇل سالانى ۇيلەستىرىپ وتىرعان ەشكىم جوق، اقپاراتتىق جۇمىسقا بولىنگەن مەملەكەتتىك اقشا قايدا كەتىپ، قايدان كەلىپ جاتقانىن ەشكىم باقىلاپ وتىرعان جوق. سوندىقتان، بەس رەفورمانىڭ ورىندالۋ بارىسىن ءتيىمدى تاراتۋ ءۇشىن، قازىرگى اقپاراتتىق قاۋىپ-قاتەرلەردىڭ الدىن الۋ ءۇشىن جاڭا ۋاكىلەتتى مەملەكەتتىك ورگان - اقپارات جانە كوممۋنيكاتسيا مينيسترلىگىن قۇرۋدى تاپسىرامىن»، - دەدى پرەزيدەنت.

اۆتور: كەنجەكەي توقتامۇرات قىزى