ۇلتتىق ەكونوميكا ءمينيسترى ەربولات دوسايەۆ وتستاۆكاعا كەتۋگە ءوتىنىش بەردى

استانا. قازاقپارات - ق ر ۇلتتىق ەكونوميكا ءمينيسترى ەربولات دوسايەۆ وتستاۆكاعا كەتۋ جونىندە ءوتىنىش بەردى.

بۇل اقپاراتتى اتالعان ۆەدومستۆونىڭ باسپا ءسوز قىزمەتى راستادى.

ە. دوسايەۆ 1997 -جىلى «تۇران الەم بانكى» جابىق اكسيونەرلىك قوعامى (ج ا ق) باسقارما ءتوراعاسىنىڭ ورىنباسارى، «ا ت ف بانك» ج ا ق باسقارما ءتوراعاسى قىزمەتتەرىن اتقاردى. 1998 ج. - قازاقستان رەسپۋبليكاسى پرەمەر- ءمينيسترى كەڭەسشىسى؛ 1998 ج. - قازاقستان رەسپۋبليكاسى ەنەرگەتيكا، يندۋستريا جانە ساۋدا ۆيتسە-ءمينيسترى؛ 2000 ج. - قازاقستان رەسپۋبليكاسى قارجى ۆيتسە-ءمينيسترى؛ 2001 ج. - قازاقستان دامۋ بانكى ديرەكتورلار كەڭەسىنىڭ ءتوراعاسى؛ 2001-2003 ج ج. - قازاقستان رەسپۋبليكاسى تابيعي مونوپوليالار، باسەكەلەستىكتى قورعاۋ جانە شاعىن بيزنەستى قولداۋ اگەنتتىگىنىڭ ءتوراعاسى؛ 2003 - 2004 ج ج. - قازاقستان رەسپۋبليكاسىنىڭ قارجى ءمينيسترى؛ قازاقستانداعى ەۋروپالىق قايتا قۇرۋ جانە دامۋ بانكىنىڭ باسقارۋشىسى؛ قازاقستان رەسپۋبليكاسى ۇلتتىق بانكىنىڭ باسقارما مۇشەسى؛ 2004 - 2006 ج ج. - قازاقستان رەسپۋبليكاسىنىڭ دەنساۋلىق ساقتاۋ ءمينيسترى؛ 2006 - 2012 ج ج. «قازينۆەستبانك» ا ق ديرەكتورلار كەڭەسىنىڭ ءتوراعاسى؛ 2012 -جىلعى 25 -قىركۇيەكتەن قازاقستان رەسپۋبليكاسىنىڭ ەكونوميكالىق دامۋ جانە ساۋدا ءمينيسترى.

2013 -جىلعى 16 -قاڭتاردان قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ءمينيسترى.

2014 -جىلعى 6 -تامىزدا قازاقستان رەسپۋبليكاسىنىڭ پرەزيدەنتىنىڭ جارلىعىمەن (№ 880) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ تاعايىندالدى.

2015 -جىلعى 30 -ساۋىردە قازاقستان رەسپۋبليكاسىنىڭ پرەزيدەنتىنىڭ جارلىعىمەن (№ 5) قازاقستان رەسپۋبليكاسىنىڭ ۇلتتىق ەكونوميكا ءمينيسترى بولىپ قايتا تاعايىندالدى.

اۆتور: رۋسلان عابباسوۆ