ن. نازاربايەۆ جەر كودەكسىنە قاتىستى ۇكىمەت جانىنان كوميسسيا قۇرۋدى تاپسىردى - كەسكىن
كوميسسيانى ءبىرىنشى ۆيتسە- پرەمەر باقىتجان ساعىنتايەۆ باسقاراتىن بولدى.
«حالىققا ۇنامايتىن زاڭنىڭ كەرەگى جوق بىزگە. ءبىراق تا زاڭدى الىپ تاستاعاننان كەيىن اۋىل شارۋاشىلىعى قانداي مۇشكىل بولاتىنىن ءتۇسىندىرۋ كەرەك. ونى ارينە اسفالتتا ءجۇرىپ ايقايلاعاندار ەمەس، دالادا مال جايىپ، ەگىن ەگىپ جۇرگەن ديقاندار بىلەدى» ، - دەدى ن. نازاربايەۆ.
مەملەكەت باسشىسى جەر كودەكسىنە ەنگىزىلگەن وزگەرىستەرگە قاتىستى ۇستانىمداردى ايقىنداۋ ءۇشىن ۇكىمەت جانىنان كوميسسيا قۇرۋدى تاپسىردى.
«بىرىنشىدەن، ۇكىمەت جانىنان ءبىرىنشى ۆيتسە- پرەمەر باقىتجان ساعىنتايەۆ جەتەكشىلىك ەتەتىن كوميسسيا قۇرۋدى تاپسىرامىن. ول كوميسسيا مەملەكەتتىك ورگاندارمەن، قوعامدىق ورگاندارمەن مىنا شارۋانى تالقىلاپ، ناقتى ءتۇسىندىرىپ، جەر كودەكسىندەگى داۋلى ماسەلەلەرگە قاتىستى ۇستانىمداردى ايقىنداپ، پارلامەنتكە ۇسىنىستار بەرۋى كەرەك. كەيىن، پارلامەنتپەن بىرگە قايتادان قارايمىز. تۇسىنبەي جۇرگەن ادامداردىڭ بارلىعىن سول تالقىلاۋلارعا شاقىرۋ كەرەك. بۇل جۇمىستى «نۇر وتان» پارتياسى ونىڭ جانىنداعى دەموكارتيالىق كۇشتەردىڭ بىرىككەن كواليتسياسى بار، اۋقىمدى ءتۇسىندىرۋ جۇمىسىن جۇرگىزۋ كەرەك.. ونى جاسىرىپ، قىمتىراتىن ەشتەڭەسى جوق، بارىنە بەلگىلى ەكونوميكا عوي» ، - دەدى ن. نازاربايەۆ.
