جۇرت زاتتىبەكتىڭ سارايداي ءۇيىن كورىپ تاڭ قالدى - كەسكىن

استانا. قازاقپارات - وزىندىك تىڭدارماندارى بار ءانشى زاتتىبەك كوپبوسىنوۆتىڭ ەكى قاباتتى جاڭا ءۇيىنىڭ كوركى جۇرتتى تاڭقالدىردى.

بۇل تۋرالى Stan.kz سايتى حابارلايدى.

حالىققا «اق مارجان» انىمەن تانىلىپ، تىڭدارماندارىن از ۋاقىت ىشىندە باۋراپ ۇلگەرگەن ءانشى ەكى قاباتتى ءۇي سالعان. كوتتەدجدىڭ ءىشى- سىرتى تۇسىرىلگەن ۆيدەو جۇرتتى تاڭقالدىردى. جەلى قولدانۋشىلارى اۋىلدا تۇرعان ءانشىنىڭ از ۋاقىت ىشىندە قوماقتى قارجى جيناپ ۇلگەرگەنىنە قايران قالىپ جاتىر.

2015 -جىلى ءانشى وتباسىمەن قۇرىلىسى تولىق بىتپەگەن ۇيىنە كوشىپ بارعان. اتالعان ءۇيدى بىرنەشە جىل قاتارىنان سالعان. ينتەرەرى گرەك ستيلىندە ارلەنگەن. مۇنىمەن قاتار، اۋلاسىن گازونمەن كومكەرىپ، شىرشا اعاشىن وتىرعىزعان.

ۆيدەونى كورگەن تىڭدارماندارى «زاتتىبەك، جاڭا ءۇيىڭىز ءوزىڭىز سەكىلدى قارا دومالاق بالالارعا تولسىن. ءوز يگىلىگىڭىزگە تۇرىڭىز»، «زاتتىبەكتىڭ باسقا جۇلدىزداردان قاي جەرى كەم. بارلىعى ءوز ەڭبەگى» دەگەن سىندى پىكىرلەر بىلدىرگەن.

ەستەرىڭىزگە سالا كەتسەك، ءانشى ۇزاق ۋاقىت شىمكەنت قالاسىنىڭ ماڭىندا ورنالاسقان اۋىلداردىڭ بىرىندە تۇرعان. جەرگىلىكتى مەكتەپتە ساباق بەرىپ، كەيىن ءوزىن اكتەرلىك قىرىنان تانىتۋعا ارەكەت جاساعان. «اق مارجان» انىنەن كەيىن ەسىمى بارشا قازاقستانعا تانىلىپ، ەلىمىزدىڭ باس قالالارىندا جەكە ءان كەشىن بەرىپ ۇلگەردە.