12:50, 05 - مامىر 2016 | GMT +5
امەريكا عالىمدارىنا ءولى ادامداردى تىرىلتۋگە رۇقسات بەرىلدى
استانا. قازاقپارات - امەريكاندىق ۇلتتىق دەنساۋلىق ساقتاۋ ۋنيۆەرسيتەتى فيلادەلفيالىق بيوتەحنولوگيالىق كومپانياعا ءولى ادامداردى ومىرگە قايتارۋ تاجىريبەلەرىن وتكىزۋگە ليتسەنزيا بەردى، دەپ حابارلايدى Today.kz.
Popular science پورتالى حابارلاعانداي، ReAnima اتتى جوبا بىرنەشە ايعا سوزىلادى. تاجىريبەلەر ءۇندىستاندا جەرگىلىكتى دارىگەرلەرمەن ىنتىماقتاستىقتا وتەدى.
تاجىريبەنىڭ 20 قاتىسۋشىسى باس-مي جاراقاتى سالدارىنان كلينيكالىق ءولىم جاعدايىندا جاتىر. قۇجاتتار بويىنشا ولار ءولى دەپ تانىلعان، دەگەنمەن ءالى جەرلەنبەي جانساقتاۋ اپپاراتتارىنىڭ كومەگىمەن جاتىر.
عالىمدار باس ميىنىڭ ءولى جاسۋشالارىن جانە ورتالىق جۇيكە جۇيەسىن قالىپقا كەلتىرۋ ارقىلى ادامدى قايتا ءتىرىلتۋ مۇمكىندىگىن انىقتاماق.
